軍醫

第二次世界大戰時期嘅軍醫

軍醫，係喺軍隊裏面 （尤其係戰爭入面）負責軍人健康、疾病同意外預防等等嘅事務嘅軍人。軍醫同民間醫護人員一樣，有分階級同職能。軍醫都係受過專業嘅醫療訓練，能夠同一般嘅單位隨行。

日內瓦公約保護

1864年，十六個歐洲共同市場國家參加「第一次日內瓦會議」，其中一個議題係將隨軍醫護人員劃為「非戰鬥人員」，並且起草條約，為拯救傷患嘅隨軍醫護人員提供保護。爾份喺1864年8月22號通過嘅《改善戰地武裝部隊傷者境遇嘅公約》後來修改過三次，最後一次修改係喺1949年8月12號，名稱改為《改善戰地武裝部隊傷者病者境遇之日內瓦公約》。

公約第四章第二十五條同二十九條說明隨軍醫護人員應該受到保護。原文係噉嘅：

第二十五條：「武裝部隊中曾受特別訓練以備於需要時充當醫院勤務員、護士或輔助擔架員，從事尋覓、收集、運送或診療傷者及病者之人員，如其執行任務時與敵人接觸，或落於敵方之手，應同樣受尊重與保護。」

第二十九條：「第二十五條所指人員落於敵方手中者，應為戰俘，但於需要時應令其擔任醫務工作。」

根據公約，攻擊戴住醫護人員身份標誌嘅非戰鬥人員係「戰爭罪行」。

有啲現代嘅軍醫會帶自衛武器，等佢哋遇到敵人攻擊可以自保。但係假如佢哋未受攻擊而用武器攻擊人，就可以當佢哋自動放棄公約嘅保護。