農墟

農墟（英文：farmers' market），臺灣叫農民市集，中國叫墟（北方叫集，墟期一般係農曆初一、十五），係俾農民直接向消費者賣農產品嘅實體墟市。農墟可以係喺室內，亦可以係喺室外，通常由攤檔、枱或者攤位組成，農民喺嗰度賣佢哋嘅產品、活家禽同埋農作物，有時仲會賣啲預製嘅食品同埋飲品。農墟喺全世界好多國家都有，反映咗當地嘅文化同經濟。個農墟可以好細，可能只係幾個攤位；亦可能好大，大到佔咗幾條街。由於佢哋嘅性質，農墟往往比起一般零售農產品店受到比較少嘅嚴格管制^[1]。

佢哋同街市（public markets）唔同，街市一般都係喺永久性嘅建築物入面，全年開放，而且佢哋嘅經營者可以係非農民嘅小販，提供各種包裝食品同非食品類嘅產品^[2]^[3]，典型例子係香港嘅濕貨街市，墨爾本嘅維多利亞街市（Queen Victoria Market），伯明翰嘅牛環室內街市（Bull Ring Indoor Market）等。