迦南婦人嘅信心

出自維基百科,自由嘅百科全書
跳去導覽 跳去搵嘢
Michael Angelo Immenraet - Jesus and the Woman of Canaan.jpg

迦南婦人嘅信心係《聖經》記載耶穌趕鬼嘅神蹟之一,記載喺《馬太福音》15章21-28節同《馬可福音》7章24-30節。

聖經譯文[編輯]

耶穌離開嗰度,避到泰爾、西頓附近嘅區。有一個迦南女人,喺嗰度出嚟,大叫話:「主呀,大衛嘅子孫,可憐我啦!我個女俾鬼附好辛苦。」耶穌一句聲都唔出。門徒上嚟求佢話:「呢個婦人喺我哋後面大叫,請叫佢走啦。」耶穌話:「我奉差遣只不過係到以色列家迷失嘅羊嗰度去。」嗰個女人上前嚟向耶穌下拜,話:「主呀,幫我啦!」耶穌回答話:「唔好將仔女嘅餅掉畀狗食。」女人話:「主呀,冇錯;但係狗亦食佢喺主人抬上面跌落嚟嘅餅碎。」耶穌話:「婦人,你嘅信心好大!照你所要嘅,成全畀你喇。」喺嗰陣,佢個女就好返。

——《馬太福音》15章21-28節

耶穌離開嗰度,去泰爾、西頓嘅境區,住喺一家度,唔想人知,但係隱藏唔到。有一個女人,佢個女俾污鬼附住,聽到耶穌嘅事,就跪喺耶穌腳前。呢個女人係希臘人,屬敘利腓尼基族。佢求耶穌將佢個女身上嘅鬼趕走。耶穌對佢話:「先畀仔女食飽,唔好將仔女嘅餅掉畀狗食。」女人回答話:「主呀,冇錯;但係狗亦喺枱底食仔女嘅餅碎。」耶穌對佢話:「因為呢句話,你返去啦;鬼已經離開咗你個女喇。」佢就返去屋企,見到嗰女瞓喺床上,鬼已經離開佢。

——《馬可福音》7章24-30節

概覽[編輯]

耶穌帶住門徒離開加利利,到外邦人嘅推羅境內,係要避開群眾、希律王同法利賽人,以方便專心教導、訓練門徒,畀佢哋明確噉知道耶穌基督係邊個,同真正嘅彌賽亞將會成全嘅事。但係耶穌喺境內嘅消息隱瞞唔到,因住外邦人嘅信心,耶穌亦宣講天國道理同行神蹟。

耶穌趕出附喺腓尼基婦人女兒身上鬼嘅事蹟,有三個特點。第一,耶穌用留畀仔女嘅餅,唔應該畀狗食嘅比喻,講明耶穌事工嘅優先次序。「仔女」代表猶太人;用「狗」代表外邦人指嘅係屋企嘅寵物;「留畀仔女嘅餅」代表因耶穌傳道事工而得嘅恩典。第二,腓尼基婦人嘅答覆,表明佢接受呢個次序,但亦願意得着耶穌偶然嘅恩典。第三,趕出污鬼嗰時候,俾鬼附嘅女兒唔在場。猶太人視外邦人好似狗類噉,但係耶穌視佢哋都係值得寵愛嘅[1]

參考[編輯]