迦百農會堂俾鬼附身嘅人

出自維基百科,自由嘅百科全書
跳去導覽 跳去搵嘢
Christus heilt einen Besessenen.jpg

迦百農會堂俾鬼附身嘅人係《聖經》記載耶穌趕鬼嘅神蹟之一,記載喺《馬可福音》1章21-28節同《路加福音》4章31-37節。

聖經譯文[編輯]

到咗迦百農,耶穌就喺安息日進入會堂教訓人。聽嘅人都好希奇佢嘅教訓;因為佢教訓佢哋,似係有權柄嘅人,唔似文士。喺會堂裏面,有一個人俾污鬼附住。佢大叫話:「拿撒勒人耶穌,我哋同你有啲乜嘢?你嚟消滅我哋咩?我知道你係邊個,乃係上帝嘅聖者。」耶穌責備佢話:「唔好出聲!快啲喺呢個人身上出嚟。」污鬼令到嗰個人抽咗一陣筋,大聲叫,就出咗嚟。所有人都驚訝,大家都對問話:「究竟係咩事?係個新道理呀!佢用權柄吩咐污鬼,連污鬼都服從佢。」耶穌嘅名聲就傳遍咗加利利嘅地區。

——《馬可福音》1章21-28節

耶穌去到迦百農,就係加利利嘅一座城,喺安息日教導人。佢哋都好希奇佢嘅教訓,因為佢講嘅嘢有權柄。喺會堂裏面有一個人,俾污鬼嘅精氣附住,大聲叫話:「唉!拿撒勒人耶穌,我哋同你有啲乜嘢?你嚟消滅我哋咩?我知道你係邊個,乃係上帝嘅聖者。」耶穌責備佢話:「唔好出聲,喺呢個人身上出嚟!」鬼將嗰個人跌倒喺群眾中間,就出咗嚟,不過冇傷害佢。所有人都驚訝,大家都對問話:「呢個係咩道理呀?因為佢用權柄能力吩咐污鬼,污鬼就出嚟。」於是耶穌嘅名聲傳遍咗周圍嘅地方。

——《路加福音》4章31-37節

概覽[編輯]

耶穌離開拿撒勒,到咗迦百農公開傳道,以迦百農為基地。佢不斷返到迦百農,又多次以迦百農為佢旅途出發嘅地方。安息日早晨,耶穌進入會堂教訓人。群眾「都希奇佢嘅教訓,因為佢講嘅嘢有權柄。」耶穌講嘅嘢之所以有權柄,因為佢話語有絕對嘅真理。突然間,有一個俾污鬼附身嘅人大聲叫:「唉!」表明心裏面好驚,係恐懼嘅呼叫。佢話:「拿撒勒人耶穌,我哋同你有啲乜嘢?你嚟消滅我哋咩?我知道你係邊個,乃係上帝嘅聖者。」污鬼喺嗰個人身上,連自己冇自由都睇唔出嚟;耶穌責備污鬼話:「唔好出聲,喺呢個人身上出嚟!」結果,群眾睇見耶穌有能力嘅權柄,令到嗰個人脫離污鬼嘅束縛[1]

參考[編輯]