通波仔

出自維基百科,自由嘅百科全書

通波仔(Angioplasty),學名球囊動脈成形術或者血管造形手術,係血管手術一種,多數專指心臟冠狀動脈通波仔

心臟表層有冠狀動脈,佢會因爲阻塞、收窄而令血流減低、停止,保持心臟跳動嘅心肌會因為冇血到而受損,所以要通波仔嚟加大返條血管。醫生會用心導管放個支架入去動脈,撐開塞咗嘅血管。個支架係放響心導管嘅前面,醫生將導管由四肢嘅大動脈,慢慢推去個心嘅血管度,支架推梗入去係唔會撐開,唔會撠住,到咗冠狀動脈收窄嘅地方,喺支架裏面一個波仔就會漲大,撐開個支架,整闊條血管,支架留喺嗰度,導管褪返出嚟。

香港[編輯]

香港年年有成五千人通波仔,做完之後有一半機會復發。復發嘅主要原因係支架有機會刺激血管內膜細胞增生,塞返住條血管。有啲藥搽咗上去就會令個支架唔會刺激到內膜增生,但又會引起血小板積聚,令血管塞返。但係後來又出咗隻藥,將復發率減到百分之一。

參考[編輯]