老子 (書)

帛本老子

老子，先秦古書一卷，本身為治國書，衍生出黃老道，後世將佢睇成道教宗教書。本書文化上喺中國好重要，尤其哲學思想。相傳周史官老子李耳寫嘅，約莫公元前金百年，春秋年代。本書可能編集唔同人作品，作者係邊個，家下重拗緊。

漢時改名道德經。又因馬王堆帛書出土，德經在先，道經在後，有人叫德道徑。而出土先秦竹簡，並唔按德經道經咁分咁排，一律按原名叫老子。道教後尾又有道德眞經個名。而老子有五千字左右，亦有人叫老子五千言。韓非子有解老喻老兩篇，早期可見本書叫老子。

由於有先秦文本出土，推斷為秦破郢都之前就有，打破疑古派偽經之說。

法家、儒家亦有借用老子。佛教傳入，亦借用老子用語。喺西方，眾多華夏經典之中，老子有至多譯本。

帛書版本先德後道。其中一說，先修德而後再入道，政治上先有德而後講道。漢時黃老沒落，改成先道後德，睇成修道為先。

由於先秦竹簡版本出土，有啲文句思意同現今版本唔同。先秦老子更貼近政治現實。

傳說

相傳老子西行出關，過關時畀人留難，要佢寫低一篇，老子留咗五千言就出關。