遺囑

人臨死前所留低嘅說話請睇遺言，留低嘅文字見請睇遺書。

遺囑，舊時叫囑書，係一份法律上承認個人（立遺囑人）分配同埋處理財產權嘅文件，遺囑響立囑人死咗之後先至生效。

合法嘅遺囑

香港遺囑條例 (Will Ordinance) 規定，遺囑須符合以下嘅規定，否則冇效:

• 以書面訂立，並由立遺囑人簽署，或由其他人響立遺囑人面前並依照佢嘅指示簽署
• 睇來立遺囑人係想以佢個簽名而令遺囑生效嘅
• 立遺囑人有2個或2個以上同時在場嘅見證人面前作出該簽署或承認嗰個簽署；同埋
• 每個見證人響立遺囑人面前(不過唔駛響其他見證人面前)：
  • 作見證並簽署嗰份遺囑；或者
  • 承認佢所作嘅簽署。