邱子茵

邱子茵（Joyce Yau），用過藝名邱穎欣，係香港商人同前女歌手，曾經係香港寶麗金唱片旗下，同陳曉東、陳慧琳同埋陳建穎一齊推出咗一隻合輯《打開天空》，其中同名主打得到好多人嘅注意。當中陳穎欣仲獨唱咗三首歌《有你以後》、《再渡豔陽天》同《風微涼》，《有你以後》同《風微涼》仲要係佢包辦埋曲詞，都算係創作歌手嚟。

不過佢同另外三個人唔同，之後佢並無喺娛樂圈繼續發展，之後繼續升學，而家佢就打理家族生意，任職溥儀集團嘅董事總經理。

家庭關係

佢係商人楊受成嘅外甥女，即係楊受成個妹楊寶春嘅細女。2000年同老公區偉豪結婚，2017年報導就話佢生咗一子一女。