邱子茵
(由邱穎欣跳轉過嚟)
邱子茵（Joyce Yau），用過藝名邱穎欣，係香港商人同前女歌手，曾經係香港寶麗金唱片旗下，同陳曉東、陳慧琳同埋陳建穎一齊推出咗一隻合輯《打開天空》，其中同名主打得到好多人嘅注意[1][2]。當中陳穎欣仲獨唱咗三首歌《有你以後》、《再渡豔陽天》同《風微涼》，《有你以後》同《風微涼》仲要係佢包辦埋曲詞，都算係創作歌手嚟。
不過佢同另外三個人唔同，之後佢並無喺娛樂圈繼續發展[3]，之後繼續升學，而家佢就打理家族生意，任職溥儀集團嘅董事總經理[3]。
家庭關係
[編輯]佢係商人楊受成嘅外甥女，即係楊受成個妹楊寶春嘅細女。2000年同老公區偉豪結婚[3]，2017年報導就話佢生咗一子一女[1]。
參考
[編輯]- ↑ 1.0 1.1 〈唱吧唱吧變阿媽！陳慧琳邱穎欣合體〉。《on.cc東網》 (香港中文)。喺2021-04-22搵到。
- ↑ 〈【唱吧唱吧唱起它...】天后Kelly榮升兩子之母 邱穎欣打理家族生意任職溥儀董事經理 ｜ 蘋果日報〉。《Apple Daily 蘋果日報》 (香港中文)。原著喺2021-04-22歸檔。喺2021-04-22搵到。
- ↑ 3.0 3.1 3.2 〈【唱吧唱吧唱起它...】天后Kelly榮升兩子之母 邱穎欣打理家族生意任職溥儀董事經理 ｜ 蘋果日報〉。《Apple Daily 蘋果日報》 (香港中文)。原著喺2021-04-22歸檔。喺2021-04-22搵到。