邶

邶（讀背），或者叫邶國或北國，後世亦有寫做鄁或者鄁國，係周初年分封諸侯國，響殷都朝歌以北，所以叫邶。

史

周武王姬發，伐商紂之後。將商都一帶遺民分成三國，北叫邶，南叫鄘，東叫衞，由周宗室監管，是為三監。邶國由霍叔姬處所監。而紂王個仔子彔，又叫武庚，雖然名義上留響朝歌，但實際住響邶。

姬發死，仔姬誦繼位，是為周成王。姬誦年幼，由周公姬旦同召公姬奭共管朝政。三監唔妥姬旦同姬奭，就聯同武庚作反，是為三監之亂。姬旦平亂，武庚帶同邶國民北走到淶水。而三國原地就重新分封，由康公領衞國，邶國地為衞國所併。

武庚響淶水重新建國，相信畀後尾嘅韓國所滅。