郡尉

郡尉用既旗

郡尉（英文：Lord-lieutenant）係國王陛下係郡裏面既代表，呢啲代表首先係由首相建議，然後再由國王陛下任命既。喺古代既英國，郡尉係要負責組織郡內既民兵，呢個傳統去到1871年取消咗。但係實際上，要到1921年，郡尉先至正式失去咗喺有需要既時候號召郡內既健全男子（able-bodied men）參戰既權利同義務。

依家既郡尉只係一個榮譽銜頭，通常係俾縣裏面退休咗既知名人士。

起源

郡尉喺正式場合著既制服，呢啲制服反映咗郡尉呢個位既軍事沿革。英國既郡尉制服包括帽上面既玫瑰皇冠徽章同埋肩章。

英格蘭同埋威爾斯

1540年代，國王亨利八世（King Henry VIII）開始喺英國既幾個郡嗰度任命郡尉，同埋將當時司法行政官（英文：Sheriff）既軍事職能移交俾佢哋。郡尉要負責佢管治既郡既民兵（Militia）、義勇兵（Yeomanry）同埋志願兵。郡尉係呢啲部隊既指揮官，負責任命呢啲部隊既軍官。呢啲任務都係臨時性既，只有喺需要既時候，例如蘇格蘭或者法國入侵既情況下，先至要做。

北愛

1921年北愛爾蘭（北愛）建立既時候，郡尉既任命沿用之前既做法，繼續透過北愛總督任命郡尉。 現在，北愛既郡尉係由國王陛下直接任命既。

蘇格蘭

蘇格蘭既郡尉可以用蘇格蘭皇家旗幟

雖然哥連蓮茜（Colin Lindsay）伯爵喺1688年被任命做快富（Fife）既郡尉，哥連之後亦都有幾個郡尉俾國王陛下任命咗，不過要到1794年先至得到皇家花令紙（Royal Warrant）授權喺蘇格蘭永久設立郡尉。到咗1797年，立咗《民兵法》之後，郡尉先至有權組建同埋指揮自己郡裏面既民兵部隊。