郭店簡

太一生水。郭店簡出土一篇

郭店簡，竹簡一套，有十八篇文。一九九三年十月出土，出土自中國湖北郭店楚墓。簡涉及儒家同道家，證明禮記同老子喺先秦就有，推翻疑古派假定呢兩本漢時偽作。同埋，儒家同道家界綫，先秦時唔咁明顯，而係互相交融。簡中呈現老子甲乙丙三篇，同現今版本有一啲差異，更貼近政治現實。

簡同楚國貴族有關，又叫郭店楚簡，或者郭店楚墓竹簡。現存湖北省博物館。

出土處荊門市沙洋縣紀山鎮，喺郭店一號楚國墓室，離古楚都郢九公里。盜墓者喺發掘前已入過墓室，兩次挖到槨板，打開邊箱扲走咗部份文物。好彩數量唔多，簡大致無損。

成書戰國中期，得簡八百有四，當中有字者七百二十六，十八篇共字數萬三字有餘。早過秦國焚書坑儒，文本極為珍貴。

年代

地近楚都郢，按墓物推定墓主為年老學者，並且為太子之師。而太子日後成楚王，亦即楚頃襄王，羋姓，熊氏，名橫。而太子師其中一個說法係屈原。秦攻入郢時間為公元前二百七十八年。楚簡約公元前三百年。

篇目

篇跟後世儒家同道家，之不過呢種二分，並一定唔反映先秦狀況。甚至後世界分野喺先秦並無意義。

• 儒家
  • 緇衣一篇。同禮記緇衣篇。上博簡有。
  • 魯穆公問子思
  • 窮達以時
  • 五行。推定思孟學派著作。馬王堆帛書有。
  • 唐虞之道
  • 忠信之道
  • 成之聞之
  • 尊德義
  • 性自命出。 同禮記中庸篇。同孟子性善説内容類似。同上博簡性情論内容。
  • 六德
  • 語叢四篇
• 道家
  • 老子甲乙丙三篇
  • 太一生水

儒家

竹簡出土之前，儒家好多篇，並無存世。故此出土儒家，睇到先秦儒家面貌。有啲認為屬思孟學派。可能出使齊國而帶返楚國。

老子

老子甲乙丙三篇，同現今版本對比，有一定差異。有時甚至意思都唔同。

現本第十九章寫

「

絕聖棄智、民利百倍。絕仁棄義、民復孝慈。絕巧棄利、盜賊無有。

」

而簡中甲篇開頭寫

「

絕智棄辯、民利百倍。絕巧棄利、盜賊亡有。絕偽棄詐、民復孝慈。

」

尤其先秦「偽棄詐絕、民復孝慈」。漢後變成「絕仁棄義、民復孝慈」。個意思非常唔同。原本唔要偽詐，後世講到同儒家仁義對立咁，喺先秦唔係咁意思。

而竹簡老子，並無分成德經同道經，亦即唔可以好似後世咁，改叫道德經。之不過，竹簡本有好多文本無，可能摘錄都唔定。

文字上用好多「也」字用來斷句，而今版本拎走晒，變得齊整，文氣完全唔同。

連同馬王堆帛書老子，可以睇成老子成書演變三個時期。

太一生水

呢篇亦好重要，可以反映先秦宇宙論。乃道家創世次序，講太一如何生成萬物。水僅次於太一，其次到天，其次到地。之後先有神明。一路落去。