鄭桓公
鄭桓公姬友（？—前771年），係西周末年諸侯國鄭國嘅開國君主。對於鄭桓公嘅身份，唔同人有唔同見解，《史記》話佢係周厲王個細仔、周宣王個庶細佬[1]，《竹書紀年》就話佢係周宣王個仔。
生平
[編輯]建立鄭國
[編輯]周宣王二十二年（前806年），姬友獲封為諸侯，建立鄭國[2]。人民愛戴姬友，周幽王繼位之後，姬友獲封為太傅[3]。周幽王在位嗰陣，西周國力衰微，姬友驚幽王嘅昏庸殘暴會累死同樣響王畿入面嘅鄭國，所以諗住將鄭國由靠近西周首都鎬京嘅鄭搬去另一道。佢問大臣太史伯佢應該將國家搬去邊，太史伯叫桓公唔好搬去南面，因為南面嘅楚國開始強勁，對鄭國嘅發展會有影響；又叫桓公唔好搬去西面，因為西方人貪心。鄭桓公最後向虢國、鄶國買十里地，將鄭國搬去東面[4]，東面嘅新領土叫新鄭，亦即係將來晉國嘅都城。
過身
[編輯]鄭桓公成為司徒之後第三年（前771年），犬戎攻入鎬京，隊冧周幽王。鄭桓公響戰亂入面亦都被犬戎殺死，太子姬掘突繼位，成為鄭武公。[5]
參攷
[編輯]- ↑ 《史記．鄭世家第十二》：「鄭桓公友者，周厲王少子而宣王庶弟也。」
- ↑ 《史記．鄭世家第十二》：「宣王立二十二年，友初封於鄭。」
- ↑ 《史記．鄭世家第十二》：「封三十三歲，百姓皆便愛之。幽王以為司徒。」
- ↑ 《史記．鄭世家第十二》：「為司徒一歲，幽王以褒后故，王室治多邪，諸侯或畔之。於是桓公問太史伯曰：『王室多故，予安逃死乎？』太史伯對曰：『獨雒之東土，河濟之南可居。』公曰：『何以？』對曰：『地近虢、鄶，虢、鄶之君貪而好利，百姓不附。今公為司徒，民皆愛公，公誠請居之，虢、鄶之君見公方用事，輕分公地。公誠居之，虢、鄶之民皆公之民也。』公曰：『吾欲南之江上，何如？』對曰：『昔祝融為高辛氏火正，其功大矣，而其於周未有興者，楚其後也。周衰，楚必興。興，非鄭之利也。』公曰：『吾欲居西方，何如？』對曰：『其民貪而好利，難久居。』……於是卒言王，東徙其民雒東，而虢、鄶果獻十邑，竟國之。」
- ↑ 《史記．鄭世家第十二》：「二歲，犬戎殺幽王於驪山下，並殺桓公。鄭人共立其子掘突，是為武公。」