醫好患血漏症嘅女人

出自維基百科,自由嘅百科全書

醫好患血漏症嘅女人係《聖經》記載耶穌嘅神蹟之一,喺《馬太福音》、《馬可福音》同《路加福音》都有記載。

聖經譯文[編輯]

有一個女人患咗十二年血漏症,佢行到耶穌後面,摸佢外袍嘅衫角;佢心裏面諗:「我只要摸佢嘅衫角,就會好返。」耶穌轉過嚟,見到佢,對佢話:「女呀,請放心!你嘅信心救咗你。」就喺嗰陣時,呢個女人嘅病就好返。

——《馬太福音》9章20-22節

有一個女人,患咗十二年血漏症,睇過好多醫生,亦受過好多苦,又用盡咗佢所有嘅家產,但係佢嘅病唔單止冇好轉,反而更加嚴重。佢聽見耶穌嘅事,就夾雜喺群當中,喺後面摸耶穌嘅衫,因為佢諗:「我只要摸佢嘅衫,就會好返。」於是佢嘅血漏症即刻停咗,佢覺得身上嘅疾病已經好返。耶穌即刻覺得有能力喺佢自己身上出嚟,就喺群眾當中轉過嚟,問:「邊個摸我嘅衫?」門徒對佢話:「咁多人逼住你,點解問邊個摸你呢?」耶穌周圍望,要搵到摸佢嘅女人。嗰個女人知道發生喺自己身上嘅事,就戰戰兢兢噉跪喺耶穌腳前,將實情講出嚟。耶穌對佢話:「女呀,你嘅信心救咗你,平安返去啦!你嘅病好返喇。」

——《馬太福音》5章25-34節

有一個女人,患咗十二年血漏症,睇醫生嘅錢用盡咗佢所有嘅錢,但係冇人能夠治好佢。佢行到耶穌後面,摸佢嘅外袍嘅衫角,血漏症即刻停咗。耶穌問:「邊個摸我?」大家都唔承認。彼得話:「老師,你前後左右都係人。」耶穌話:「有人摸我,因為我覺得有能力喺我身上出去。」嗰個女人知道自己已經被發覺,就戰戰戰兢兢噉跪喺耶穌腳前,將摸佢嘅原因同點樣即刻好返嘅事,當住眾人都講出嚟。耶穌對佢話:「女呀,你嘅信心救咗你,平安返去啦!」

——《路加福音》8章43-48節

概覽[編輯]

當耶穌去睚魯屋企嘅時候,有一大班人跟住佢。人群當中有一個女人,患咗血漏症有十二年咁耐,所有醫生都醫唔好佢。呢個女人睇醫生嘅錢用盡咗佢一切養生嘅,病唔單止冇好轉,反而更加嚴重。根據摩西嘅律法,咁樣嘅女人唔可以接觸任何人,任何人亦唔可以接觸佢。十二年嚟,呢個女人被聖殿、會堂、每一個聚會嘅地方趕出去。呢個女人掙扎咗十二年,想要重獲健康,但係終於陷入深深嘅絕望之中。呢個可憐又唔顯眼嘅,一身頑疾帶嚟不潔之名嘅受難者,竟然嚟到到耶穌後面;因為自己嘅需要而剛強起嚟,伸手去摸耶穌外袍嘅衫角,「血漏症即刻停咗。」耶穌感覺到有能喺自己嘅身上出去,就問:「邊個摸我?」門徒見到周圍都係逼滿人,實在唔明白耶穌點解噉問,但係呢個女人明白佢嘅意思,知道唔能夠隱瞞,就戰戰戰兢兢噉跪喺耶穌腳前,坦白承認一切。耶穌卻佢話:「女呀,你嘅信心救咗你,平安返去啦!」[1]

參考[編輯]

  1. (PDF). 原著 (PDF)喺2020年3月15號歸檔. 喺2020年10月13號搵到.