醫好手枯乾嘅人

出自維基百科,自由嘅百科全書
跳去導覽 跳去搵嘢
Christ heals tne man with paralysed hand.jpg

醫好手枯乾嘅人係《聖經》記載耶穌嘅神蹟之一,喺《馬太福音》、《馬可福音》同《路加福音》都有記載。

聖經譯文[編輯]

耶穌離開嗰個地方,進入猶太人嘅會堂;嗰度有個一隻手枯乾咗嘅人。有人為咗要控告耶穌,就問佢:「安息日醫病合唔合法?」耶穌對佢哋話:「如果你哋有人有一隻羊喺安息日趺咗落坑度,點做好呢,唔將佢拉上嚟咩?人比羊貴重得多!所以,喺安息日做善事係合法嘅。」於是對嗰個人話:「伸直隻手!」佢將手一伸,手就好返,同另一隻手一樣。法利賽人出去,討論點樣對付耶穌。

——《馬太福音》12章9-13節

耶穌又入會堂,喺嗰度有一個人,佢有一隻手枯乾咗。有啲人為咗要控告耶穌,就窺探佢會唔會喺安息日醫治嗰個人。耶穌對嗰手枯乾咗嘅人話:「你到前面嚟!」耶穌又問眾人:「喺安息日行善行惡,救命害命,邊樣係合法嘅呢?」佢哋都唔出聲。耶穌用兇惡嘅眼神周圍望吓佢哋,因為佢哋嘅心剛硬而憂傷,就對嗰個人話:「伸手出嚟!」佢將手一伸,手就好返喇。法利賽人出去,立即同希律一黨嘅人商議點樣除滅耶穌。

——《馬可福音》3章1-6節

又有一個安息日,耶穌進入會堂教導人,喺嗰度有一個人,佢隻右手枯乾咗。文士同法利賽人窺探耶穌會唔會喺安息日醫病,為咗要搵出控告耶穌嘅把柄。耶穌卻係知道佢哋想點,就對嗰個手枯乾嘅人話:「起身,企到前面嚟!」嗰個人就起身企喺度。耶穌對佢哋話:「我問你哋,喺安息日行善行惡,救命害命,邊樣係合法嘅呢?」耶穌就望吓周圍嘅人,對嗰個人說:「伸手出嚟!」佢照住做,佢隻手就好返。佢哋好嬲,大家討論點樣對付耶穌。

——《路加福音》6章6-11節

概覽[編輯]

耶穌喺安息日,遇到一個右手枯乾嘅人;而文士同法利賽人已經喺度窺探佢。一旦耶穌醫治病人,佢哋就控告佢破壞咗安息日嘅律法。耶穌知道佢哋想點,就對嗰個人話:「起身,企到前面嚟!」再問佢哋:「喺安息日行善行惡,救命害命,邊樣係合法嘅?」若果能夠行善,卻唔去行,噉就係罪。佢哋都唔出聲,噉樣係因為法利賽人喺兩難之間,兩面嘅話都係定自己嘅罪。於是耶穌就望周圍嘅人,對嗰個人話:「伸手出嚟!」,嗰個人將手一伸就好返。耶穌一面顯出佢嘅神能,一面唔留把柄。法利賽人因為佢顯能力行神蹟,又反對佢哋嘅意思,重有,因住耶穌所行嘅,顯明佢係出於神,同時顯出佢哋談論安息日嘅大錯,佢哋好嬲,大家討論點樣對付耶穌[1]

參考[編輯]