醫好癱瘓十八年嘅婦人

醫好癱瘓十八年嘅婦人係《聖經》記載耶穌嘅神蹟之一，記載喺《路加福音》13章10-17節。

聖經譯文

「	安息日，耶穌喺一個會堂度教導人。有一個女人俾鬼附身，病咗十八年，腰曲到一啲都伸直唔到。耶穌睇見，就叫佢過嚟，對佢話：「婦人，你嘅病好返喇！於是用雙手撳住佢，佢條腰即刻伸得直，就歸榮耀畀上帝。會堂嘅主管因為耶穌喺安息日醫病，就好嬲，對所有人話：「有六日應該要工作，嗰六日之內可以嚟求醫，喺安息日係唔可以嘅。」主回答佢：「假冒為善嘅人呀，唔通你哋喺安息日唔解開槽上嘅牛同驢，帶去飲水咩？何況佢本身係亞伯拉罕嘅後裔，俾撒但捆綁咗十八年，唔通喺安息日就唔可以解開佢嘅捆綁咩？」耶穌講咗呢啲嘢，佢嘅敵人都覺得慚愧；所有嘅人因為佢所做一切榮耀嘅事都好歡喜。	」
——《路加福音》13章10-17節

概覽

「安息日，耶穌喺會堂度教導人。有一個女人，俾鬼附身」，換言之，邪靈造成呢個婦女身體上嘅疾病，長達十八年咁耐；令到佢條腰曲到一啲都伸直唔到，由於腰曲得太厲害，令到佢嘅眼睛總係向住地面。耶穌睇見呢個患病嘅婦女，就叫佢過來，話：「女人」，於是用雙手撳住佢話：「你嘅病好返喇！」呢個婦女就條腰即刻伸得直，病完全好返。耶穌只用一句說話，一次觸摸，就釋放咗佢。可以知道，耶穌嘅能力同權柄勝過魔鬼。魔鬼捆綁佢，佢無力掙脫，其他人亦唔能夠釋放佢。耶穌嚟，斷開魔鬼嘅鎖鍊，制服魔鬼嘅權勢，令到呢個婦女得釋放。

管會堂嘅人好嬲噉對眾人話：「有六日應該要工作，嗰六日之內可以嚟求醫，喺安息日係唔可以嘅。」佢認為安息日嘅儀式條文比人更加重要。佢為咗維護安息日嘅儀式條文唔受到任何破壞，而情願令到嗰個婦人繼續受苦，等到過咗安息日再講。耶穌話嗰個管會堂嘅人係「假冒為善」。跟住耶穌為自己辯明，「唔通你哋喺安息日唔解開槽上嘅牛同驢，帶去飲水咩？」其實，當管會堂堅持安息日係神聖嘅時候，佢心中潛伏住對耶穌嘅敵意，呢個先至係佢提出反對嘅真正主因。

耶穌又說：「呢個女人本身係亞伯拉罕嘅後裔，俾撒但捆綁咗十八年」，需要脫離撒但嘅權勢，係應當喺安息日結束撒但嘅轄制，令到佢進入自由。安息日係為了咗增進人嘅福祉而設立嘅。佢嘅敵人聽咗佢所講嘅都覺得慚愧，所有人因為耶穌所行一切榮耀嘅事而歡喜。