醫好百夫長僕人嘅癱瘓病

出自維基百科,自由嘅百科全書
跳去導覽 跳去搵嘢
JesusHealingCenturionServant.jpg

醫好百夫長僕人嘅癱瘓病係《聖經》記載耶穌嘅神蹟之一,記載喺《馬太福音》8章5-13節同《路加福音》7章1-10節。

聖經譯文[編輯]

耶穌到咗迦百農,有一個百夫長迎接佢,求佢話:「主呀,我嘅僕人患咗癱瘓病,瞓喺屋企,好痛苦。」耶穌話:「我去醫治佢。」百夫長答話:「主呀,你親自到舍下嚟,我唔敢當;只要你講一句嘢,我嘅僕人就會好返。因為喺我上面有指揮我嘅長官,喺我下面亦有我指揮嘅兵。我對呢個話:『去!』佢就去;對嗰個話:『嚟!』佢就嚟;對我嘅僕人話:『做呢樣!』佢就去做。」耶穌聽咗就好驚訝,對跟從嘅人話:「我實在話你知,咁大嘅信心,我喺以色列之中,我都未見過。我又話你哋知,將有好多人由東到西嚟,喺天國裏面同亞伯拉罕、以撒、雅各一齊坐席;本國嘅子民反而被趕到外邊黑暗嘅地方,喺嗰度要哀哭咬牙切齒。」耶穌對百夫長話:「你返去啦!照你嘅信心成全你喇。」就喺嗰陣時,佢嘅僕人就好返。

——《馬太福音》8章5-13節

耶穌對百姓講完呢啲嘢,就去迦百農。有一個百夫長所器重嘅僕人患重病,就快死。百夫長聽聞耶穌嘅事,就拜託猶太人嘅幾個長老去求耶穌嚟救佢嘅僕人。佢哋到咗耶穌嗰度,懇切噉求佢話:「你幫佢做呢件事係值得嘅;因為佢愛我哋嘅民族,為我哋建造會堂。」耶穌就同佢哋去。就快到佢屋企,百夫長拜託幾個朋友去見耶穌,對佢話:「主呀,唔使勞動,因為你到舍下嚟,我唔敢當。我自己亦唔配同你見面,只要你講一句嘢,我嘅僕人就會好返,因為喺我上面有指揮我嘅長官,喺我下面亦有我指揮嘅兵。我對呢個話:『去!』佢就去;對嗰個話:『嚟!』佢就嚟;對我嘅僕人話:『做呢樣!』佢就去做。」耶穌聽到呢啲嘢,就好驚訝,轉身對跟隨嘅眾人話:「我話你哋知,咁大嘅信心,我喺以色列之中,我都未見過。」嗰個打發嚟嘅人返到百夫長屋企,發現僕人已經好返。

——《路加福音》7章1-10節

概覽[編輯]

耶穌到咗迦百農,喺嗰度遇到幾個猶太人長老,幫一位羅馬軍官嚟請求耶穌。因為嗰個軍官嘅僕人病咗,希望耶穌去醫治佢,同時班長老亦覺得呢個軍官係個好人。佢曾經為猶太人建造會堂,並且善待猶太人。耶穌於是同佢哋一齊去軍官嗰度。當佢哋就快到百夫長屋企附近嘅時候,百夫長派人嚟話:「主呀!唔使勞動;因為你到舍下嚟,我唔敢當。我自己亦唔配同你見面,只要你講一句嘢,我嘅僕人就會好返,因為喺我上面有指揮我嘅長官,喺我下面亦有我指揮嘅兵。我對呢個話:『去!』佢就去;對嗰個話:『嚟!』佢就嚟;對我嘅僕人話:『做呢樣!』佢就去做。」百夫長知道耶穌既喺上帝嘅權下,佢就有完全嘅權柄統轄生活中一切嘅事物。佢就係以呢樣嘅認識做基礎,採取信心嘅行動。耶穌回答話:「咁大嘅信心,我喺以色列之中,我都未見過。」結果依照佢要求,耶穌冇入佢屋企,冇出一句聲,冇做一件事,就醫治好嗰個僕人。正如聖經記載:「嗰個打發嚟嘅人返到百夫長屋企,發現僕人已經好返。」[1]

參考[編輯]