醫好耶利哥乞食嘅盲人

出自維基百科,自由嘅百科全書
跳去導覽 跳去搵嘢
Eustache Le Sueur 003.jpg

醫好耶利哥乞食嘅盲人係《聖經》記載耶穌嘅神蹟之一,喺《馬太福音》、《馬可福音》同《路加福音》都有記載。

聖經譯文[編輯]

佢哋離開耶利哥嘅時候,有一大班人跟住耶穌。有兩個盲人坐喺路邊,聽見耶穌經過,就大聲叫:「主呀,大衛嘅子孫,可憐我哋啦!」眾人責備佢哋,唔准佢哋出聲,但係佢哋就越叫越大聲:「主呀,大衛嘅子孫,可憐我哋啦!」耶穌停低,叫佢哋過嚟,話:「你哋要我為你哋做乜嘢?」佢哋話:「主呀,令我哋嘅眼睛能夠睇得見。」耶穌就動慈心,摸佢哋嘅眼睛,佢哋即刻睇得見,就跟從耶穌。」

——《馬太福音》20章29-34節

佢哋嚟到耶利哥。耶穌同門徒同好多人離開耶利哥嘅時候,有一個乞食嘅盲人,係底買嘅仔巴底買,坐喺路邊。佢聽見係拿撒勒嘅耶穌,就大叫起嚟,話:「大衛嘅子孫耶穌呀,可憐我啦!」有好多人責備佢,唔准佢出聲,但係佢就越叫越大聲:「大衛嘅子孫耶穌呀,可憐我啦!」耶穌就停低,話:「叫佢過嚟。」佢哋就叫嗰個盲人,對佢話:「放心,起身!耶穌叫你呀。」盲人就放低外衣,跳起身,過去耶穌嗰度。耶穌回答佢話:「你要我為你做啲乜?」盲人答話:「老師,我要睇得見。」耶穌對佢話:「你去啦!你嘅信救咗你。」盲人即刻睇得見,就喺路上跟從耶穌。

——《馬可福音》10章46-52節

耶穌就快到耶利哥嘅時候,有一個盲人坐喺路邊乞食。佢聽見好多人經過,就問係乜嘢事。佢哋話佢知,係拿撒勒人耶穌經過。佢就大叫話:「大衛嘅子孫耶穌呀,可憐我啦!」喺前頭行嘅人就責備佢,唔准佢出聲,但係佢就越叫越大聲:「大衛嘅子孫耶穌呀,可憐我啦!」耶穌就停低,吩咐將盲人帶過嚟,到咗耶穌腳前,就問佢:「你要我為你做啲乜?」佢說:「主呀,我要睇得見。」耶穌對佢話:「你睇見喇!你嘅信救咗你。」嗰個盲人即刻睇得見,就跟從耶穌,一路歸榮耀畀上帝。群眾睇見呢件事,亦都讚美上帝。

——《路加福音》18章35-43節

概覽[編輯]

耶穌喺上耶路撒冷準備受死嘅路上,佢仍然花時間聆聽「兩個盲人」求醫治嘅呼求。呢件事嘅記載喺三卷福音書都有啲唔同:一嗰係盲人嘅人數,一係醫好嘅時間。馬可同路加都記載係一個盲人,可能嘅原因可能係:第一,同一件事件卻成為兩個流傳;第二,真係有兩個盲人,其中一個嚟搵耶穌而得到醫治,並且能夠講出自己嘅名;第三,或者係一個盲人,但有一個人帶佢嚟搵耶穌,因此記載為兩個人。有關醫治嘅時間,馬太同馬可都話喺離開城之後,而路加就話耶穌醫好佢哋係喺進入耶利哥之前。另有解釋:好可能神蹟係喺耶穌離開耶利哥舊城同行近耶利哥新城嘅時候行嘅。新城係希律大王建造嘅,好近舊城;亦可能盲人係喺耶穌入城嘅時候求佢醫治,而耶穌出城嘅時候醫好佢哋。

耶利哥城係南北必經之地,設有稅關,因此有好多乞兒鍾意喺度乞食。耶穌經過呢度,佢哋就大嗌:「大衛嘅子孫,可憐我哋啦!」「大衛嘅子孫」係猶太人對彌賽亞嘅稱呼。可能佢心中已經期待著彌賽亞嘅來臨。耶穌聽咗佢哋嘅呼求,就動咗慈心,施以同情之手,撫摸醫治佢哋,令到佢哋能夠睇得見[1]

參考[編輯]