醫生

醫生／醫師，古代中國叫大夫、郎中，係一種幫人治病嘅職業。

西醫

内文：現代醫學

專科醫生

專科醫生係指一些專門負責醫其中一種病嘅醫生。例如精神科，皮膚科，兒科，老人科，婦科。

中醫

内文：中醫學

中醫學係一門靠中醫藥理論同實戰經驗嚟研究健康同疾病嘅學問，佢重視點樣預防、診斷同治病，幫人身體恢復健康。中醫學幾千年歷史，以陰陽五行做基礎，透過「望、聞、問、切」四種方法嚟睇病，了解病因同身體內部嘅變化，再度身訂做治療方案，用中藥、針灸、推拿等方法，幫身體達到陰陽平衡。

而家，中醫學喺國際上都被視為替代醫學其中一部分，世衛仲將佢納入疾病分類系統。中醫強調「辨證論治」，意思係睇實際情況嚟改變治療方法，唔係一味死跟理論。中醫除咗睇病，仲好重視病人嘅情緒、飲食同運動習慣，成個治療過程都係由頭到腳咁去調理，呢個都係中醫幾千年嚟仲咁興嘅原因。

語文

古語

三國時期，東吳名醫董奉晚年為百姓醫病唔收診金同埋藥錢，但要求病人好番之後一定要上山種植杏樹，叫做「康樂杏」，後嚟，「杏林」就用嚟指「醫學界」。華佗同扁鵲皆為古代名醫，後世讚美醫生時，成日會講「華佗再世」、「扁鵲復生」。另外，後世做醫生嘅亦都會用「懸壺濟世」嚟形容杏林中人。

黑話

喺香港黑社會術語之中，零售毒販叫做「醫生」。

睇埋

• 黃六醫生