金上京會寧府遺址，係喺黑龍江省哈爾濱市阿城區南郊既阿什河既左邊，係金朝喺公元1115年（金太祖收國元年）到1153年（金朝完顏亮貞元元年）之間起既第一座都城。 金上京會寧府係南北二城同埋皇城組成，城墙係用泥起既，外面有護城河保護。 皇城既位置係喺南城既偏西，係宮殿式既建築，規模大概好似北宋既東京（開封）咁上下大。南北城係比較早起既，皇城係喺公元1124年（金太宗天會二年）先至開始起，依家既遺址保存得比較好既係南北城既城牆，同埋皇城裏面既宮殿。
