金峰南岸
提示：呢篇文講嘅唔係登峰·南岸。金峰南岸
| |||||||||||
|---|---|---|---|---|---|---|---|---|---|---|---|
| 所屬堂區 | 聖方濟各堂區 | ||||||||||
| 發展商 | 聯生發展股份有限公司 | ||||||||||
| 房屋類型 | 私人房屋 | ||||||||||
| 房屋用途 | 住宅 | ||||||||||
| 總塔樓座數 | 12 | ||||||||||
| 塔樓 | |||||||||||
 |
第1座 金譽峰 | ||||||||||
| 入伙日子 | 2013年6月1號 | ||||||||||
| 樓齡 | 11年 | ||||||||||
|
|
第2座 金凱峰 | ||||||||||
| 入伙日子 | 2013年6月1號 | ||||||||||
| 樓齡 | 11年 | ||||||||||
|
|
第3座 金翠峰 | ||||||||||
| 入伙日子 | 2013年6月1號 | ||||||||||
| 樓齡 | 11年 | ||||||||||
|
|
第4座 金柏峰 | ||||||||||
| 入伙日子 | 2013年6月1號 | ||||||||||
| 樓齡 | 11年 | ||||||||||
|
|
第5座 金巒峰 | ||||||||||
| 入伙日子 | 2013年6月1號 | ||||||||||
| 樓齡 | 11年 | ||||||||||
|
|
第6座 御豪峰 | ||||||||||
| 入伙日子 | 2014年10月1號 | ||||||||||
| 樓齡 | 10年 | ||||||||||
|
|
第7座 御名峰 | ||||||||||
| 入伙日子 | 2014年10月1號 | ||||||||||
| 樓齡 | 10年 | ||||||||||
|
|
第8座 御庭峰 | ||||||||||
| 入伙日子 | 2014年10月1號 | ||||||||||
| 樓齡 | 10年 | ||||||||||
|
|
第9座 御領峰 | ||||||||||
| 入伙日子 | 2014年10月1號 | ||||||||||
| 樓齡 | 10年 | ||||||||||
|
|
第10座 尚堤峰 | ||||||||||
| 入伙日子 | 2016年1月1號 | ||||||||||
| 樓齡 | 8年 | ||||||||||
|
|
第11座 尚濤峰 | ||||||||||
| 入伙日子 | 2016年1月1號 | ||||||||||
| 樓齡 | 8年 | ||||||||||
|
|
第12座 尚澄峰 | ||||||||||
| 入伙日子 | 2016年1月1號 | ||||||||||
| 樓齡 | 8年 | ||||||||||
| 停車場 | |||||||||||
|
|
金峰南岸停車場 | ||||||||||
詳細資訊一覽
| |||||||||||
金峰南岸 (One Oasis) 響澳門路環島聖方濟各堂區石排灣馬路、紅棉路、棕櫚圓形地同森樹街。
背景
[編輯]工業邨地段閒置轉商住地牟暴利爭議
[編輯]1975年10月7號，一幅面積三十三萬七千二百二十平方米，響路環島，近大灣，以租賃制度同免除公開競投方式批畀原全國政協副主席馬萬祺家族為主要股東嘅聯生發展股份有限公司，用嚟起一幢工業同社會設施綜合體嘅填海土地批給合同作出規範[1]。
1979年3月9號、1981年3月25號同1988年4月18號，響財政司同第十六期《澳門政府公報》嘅第34/SAOPH/88號批示做咗三次局部修改，修改之後確定咗各用途嘅新面積同訂定咗新嘅利用期限，響批給用途方面包括響一幅將由政府批出嘅添加土地上起多幢原合同規定嘅住宅（衛星城市），同埋將一幅面積九千零七平方米嘅地塊分離，方便起一舍鋼鐵工廠，從而批出土地面積就變為三十二萬八千二百一十三平方米[1]。
1980年代，當時搵填海物料方面有好多種限制，考慮到批給嘅公共利益以及有關填海工程嘅財政持續緊縮，仍然喺八十年代就合同嘅整體修改進行過多次探討。因應工業轉型同埋經過一輪複雜談判程序之後，有關整體修改響1993先落實[1]。
1994年7月20號，第二十九期《澳門政府公報》第二組嘅第81/SATOP/94號批示更正1993年12月15號第五十期《澳門政府公報》第二組嘅第172/SATOP/93號批示作出規範，透過修改，將有關批出土地入面嘅十五幅總面積十五萬二千八百三十八平方米地段歸還畀澳葡政府，用嚟做集體設施同基礎建設嘅用途，同埋將七幅總面積十一萬八千三百一十五平方米地段嘅批給所衍生嘅權利有償移轉畀聯生工業邨有限公司，納入聯生工業邨，而呢間公司嘅資本百分百係公共資本同商業名叫澳門工業園發展有限公司，而承批人要負責歸還同轉讓土地範圍入面執行所有填海同基礎建設工程，同埋執行移交有關集體設施。亦根據修改批給合同第三條款嘅規定，批畀聯生發展股份有限公司嘅土地面積係五萬五千六百五十二平方米，分成十四幅地段，其中十二幅地段做住宅商業用途，一幅地段用做辦公室商業用途，剩低一幅地段做四星級酒店用途[1]。
2000年10月6號，合同規定嘅租賃有效期廿五年到期[1]。
2006年5月10號，聯生發展股份有限公司第三次透過畀運輸工務司司長嘅申請書，請求延長批給期限十八年兩個月八日，由2000年10月7號開始計，又或者批給續期廿五年，由同一日開始計，而且由第172/SATOP/93號批示規範嘅合同訂定條件維持不變。申請人又簡單噉聲稱由於技術方面原因，直到1993年為止，都冇確定響關土地上起工業同住宅綜合體嘅總規劃[1]。
2007年10月24號，響新《土地法》生效前，運用自由裁量權，將閒置咗廿五年嘅土地又重新批給畀聯生發展股份有限公司[1]。
2008年，入則起12幢豪宅，重將部份權益轉賣畀香港上市公司，頭兩期嘅樓花預售套現咗一百二十億，而路環聯生工業村過去廿幾年嚟都係水靜鵝飛[2]。
犯罪
[編輯]2017年8月6號朝早七點幾，金峰南岸第八座御庭峰一個單位發生跳樓事件，黃女請嘅一個女工人出咗去之後，佢男友梁男突然攞出一把菜刀到間房襲擊女友，黃女受襲之後，立即逃離單位到後樓梯，再走到大廈地下大堂門口嗰陣，見到梁男同個女響樓上跌到地下大廈門口，梁男當場死亡，當時黃女情緒激動唔敢睇，由大廈保安員協助報警求助。治安警進入事發大廈調查，發現黃女身體受傷流血，即時送到山頂醫院治理。事發之後大廈門口拉起圍帶，死者用白布冚住，由於事件有可疑，司警到場調查取證。而山頂醫院就話，女童送院搶救，因為失血過多，身體機能受損，經過搶救冇效，證實死亡；佢媽媽黃女身體有多處刀傷，多數係皮外傷，經縫針處理，情況良好，響急診病房觀察治療，由社工跟進。
司警調查之後話，男死者姓梁，三十四歲左右；另一個死者係梁男兩歲嘅女；女傷者三十歲，身體多處刀傷，同梁男係同居男女朋友關係，三個人都係香港居民。梁男同黃女係同居關係，兩歲嘅女係佢哋兩個人生，近排因為兩個人嘅感情問題，經常嗌交。死者梁男早排冇嘢做，響單位照顧個女，直到最近響香港搵到一份工，梁男就返翻香港。到6號凌晨四點返翻屋企，當時冇唔妥。司警響現場單位入面搵到一把懷疑涉案嘅染血刀具，另經經過初步為兩條屍檢查，除咗符合由高處跌落嚟嘅傷勢之外，冇發現其他可疑或者可能由刑事引致嘅傷痕。案件暫時列做傷人同跳樓死亡案，死因要等法醫檢驗之後先確定。案件交畀調查科跟進[3]。
停水停電
[編輯]2017年8月23號晏晝十二點左右，響懸掛十號風球同黑色風暴潮其間，天鴿颱風帶嚟嘅嚴重風暴潮搞到澳門停水停電，而金峰南岸響26號復水初期由於響水管尾後地區所以水壓嚴重唔夠而冇水到[4]。
交通
[編輯]巴士
[編輯]去氹仔方向嘅巴士站
[編輯]- 靠站巴士有：59