| 東區 |
|---|
|
| 概況 |
|---|
| 面積 | 9.8 km2（3.8 sq mi） | | 人口 (2012年12月) | 98,529 | | 人口密度 | 11,247/km2（29,130/sq mi） | | 政區 | 14洞 |
|
| 位置 |
|---|
|
東區（粵音：dung1 keoi1）係韓國釜山嘅市轄區。面積9.8km²，人口9萬（2012）。東區係1957年成立嘅，係當年成立嘅6個區入面最先成立嘅。釜山站就位於東區。
- 東區係釜山嘅發祥地之一，同釜山市區嘅形成好密切。
- 三韓時代屬牟韓，後來畀伽倻國統轄，三國時歸居漆山國嘅大甑縣。新羅時代屬居漆山郡，後來改名東萊郡。
- 釜山市區長期係東萊郡/府嘅轄地，不過古時係未發展成市區嘅。當時嘅商業活動喺東萊地區，而釜山市區係條漁村。後來東區附近嘅釜山浦開航，釜山嘅市區開始形成。
- 日殖時期，釜山城市不斷發展。釜山地方多山，東區亦都係噉，地形上東區背山臨海，大部分地方係山地，能夠開作市區就得河谷、山坑。今日東區市區部分有三分一係日殖時填海開出來嘅。
- 韓戰期間，各地湧去釜山嘅難民令釜山人口劇增，釜山急劇發展。東區因為地理原因原本無諗住納入發展計劃，因為難民嘅湧入發展成都市。
- 1957年1月1號，釜山嘅草梁洞、水晶洞、佐川洞、凡一洞共大昌洞嘅一部分合併設東區。
- 1975年10月1號，凡一洞嘅一部分畀咗南區。
東區轄4個法定洞，共計14個行政洞。
