釜

灶上面放咗釜，釜上便放籠

釜係一種廚房鐵架生，用來煮嘢食。用釜煮嘢，釜裏便裝水，下便畀火燒，上畀放其他煮食架生。

西洋釜（Cauldron），似勁大煲多啲。主要係放晒啲嘢入去煮。家下都甚少見，除非係拍巫師片，用來煉藥或者煮人。

未用鐵之前，釜亦都用陶造。

形

非洲用釜

釜大小不一，係圓口嘅。釜口多數係兩尺直徑，厚兩分。細釜釜口就得一半，厚仍然係兩分。

造

釜多數用鐵造，一係用廢鐵，一係用生鐵。整法係先造內模，曬乾。再整外模，等成個模乾晒冇水。跟住冶爐。鐵響爐熔成鐵水，倒入模底個窿。等佢冷一啲，重係紅卜卜，就揭開個模，睇下有冇穿有冇罅。一有罅就淋少少鐵水補，再用顯草整平。生鐵整通常要補多啲，廢鐵整就好少要補。

好釜用輕杖敲有木聲，聲差嘅第日易壞。

文化

中文

• 破釜沉舟，即係連自己退路米糧都斷埋，代表決心。
• 黃鐘毀棄，瓦釜雷鳴。即係話賢人唔用，普通嘅人就上位。