銀河娛樂集團

出自維基百科,自由嘅百科全書
  想搵第二個意思嘅話,請睇銀河 (搞清楚)

銀河娛樂集團有限公司港交所00027)簡稱銀娛,喺澳門開賭場及酒店等——旗下成員有星際酒店澳門銀河澳門百老匯城市娛樂會;又對蒙地卡羅濱海度假酒店集團作股權投資,並藉此撈到外國。[1]其轄下之銀河娛樂場股份有限公司有個澳門嘅主賭牌[2]

[編輯]

隨住銀娛股價猛升,大老細呂志和身家暴漲,彭博億萬富豪指數更一度喺計錯數嘅狀態之下,顯示佢有錢過李嘉誠,做咗亞洲首富[3]

[編輯]

監控員工網上言論[編輯]

响2018年6月22號,《東方日報》報道:
銀娛靠昇華在線有限公司,响兩個月前起,循各種途徑喺網上揾出並整走對銀娛不利嘅貼文,特別係監控員工喺社交媒體上面嘅留言,重要佢哋唱好公司。銀娛因此被投訴干涉員工私隱。銀娛辯稱,呢啲係該行業慣常嘅網上營銷手法,並响6月20號同傳媒講話噉樣做無違法,然而以保密協議為由唔披露詳情。有員工懷疑,公司想消除對於佢上年要員工喺颱風天鴿吹襲時返工嘅大量劣評,亦將呢件事同早前劍橋分析違規收集面書用戶資料相提並論,有個人私穩同言論自由遭侵犯嘅憂慮。[4]

响2018年6月22號,香港個人資料私隱專員公署發新聞稿話:
有調查呢單嘢。[5]

風災引爆勞資積怨[編輯]

颱風天鴿响2017年8月23號吹襲澳門,搞到該城一片狼藉,有唔少自稱銀娛員工隨即喺互聯網寫嘢,向僱主抱怨,部分矛頭直指大股東呂志和家族[6]

响2017年8月24號,銀娛員工聯盟會發表標題為「銀河娛樂員工給良心顧[註 1]主呂氏家族的一封信」嘅公開信,內容為:
佢哋真係好嬲;打完風之後,公司要求員工喺兩個鐘頭之內埋位開工,不過欠缺適當安排,極之混亂,場內冇供水兼冇冷氣……噉樣返工簡直係揾命搏……有人加班幾個鐘頭,又有人等車幾個鐘頭;因此遲到嘅,又被通知要扣人工……質問對方人性何在……其他博彩企業都有相應措施,偏偏呢檔冇……呼籲呂氏家族咪再只當旗下員工做賺錢工具,而應該採取更加人性化嘅處理方式……最近喺公司內部做過調查,發現居然有七成半人唔贊成政府畀該公司個賭牌續期,希望老闆自己去了解下箇中原因。

銀娛响2017年8月25號以新聞稿宣布,向所有營運員工發放1200澳門元颱風相關津貼[7],又將受颱風影響而响2017年8月23—25號嘅缺勤,通通當有薪假期,响同期返工唔準時嘅職員亦都唔使扣糧[8] ……為之前唔夠妥善嘅處理表示遺憾,已經制定特別措施支援員工首先處理屋企要事,鼓勵受影響者向部門主管匯報,等公司跟進同援助[9]。傳媒指此舉係補鑊措施[10]

响2017年8月26號,有疑似銀娛員工,喺網上發帖,公開咗封該公司嘅內部衣貓,入面叫隊員「自願」去收拾公司嘅玩水設施——天浪淘園,以求盡快重開,重提醒要着運動裝、帶替換用衣物同防曬劑[11]。嗰個發布者批評,該集團唔似多間其他公司,派人出動救災,而係叫職員做義工清理公司泳池,行為可恥,唔負社會責任,亦要求政府唔好畀銀娛個賭牌續期。其他網民亦紛紛和應[12]

响2017年8月27號,銀娛作出內部澄清:
負責開天浪淘園嘅人手唔夠,驚清理唔切該區俾風吹爛咗嘅植物同設施嘅話,到另一個颱風帕卡吹到嚟時,會好危險,因此至會鼓勵其他員工响開工時間過去幫手 。然而用詞不當,引起誤會,特此致歉[13]

銀娛人事部同三個員工代表約咗,响2017年8月30號去勞工事務局,準備喺該局人員在場嘅情況,討論勞方之前提出之福利同工作安排要求,然而資方話有突發災後事宜,趕住要去處理,放咗飛機,叫褪遲一日傾[14]。响當日,有唔同工會嘅代表同唔止兩百個銀娛員工,由立法議員宋碧琪、高天賜同梁榮仔,及民眾建澳聯盟副主席陳德勝陪住,去到該局,投訴被公司剝削權益……又要求銀娛人事部嘅人即刻嚟傾;後者得悉後,由管理層代表赴會[15]。銀娛員工聯盟會理事長呂毅偉及副理事長黃長源等人,提及資方之諸多唔妥,以及職員對佢哋嘅唔滿意[16]。銀娛一方話會積極跟進員工嘅訴求,並樂意建立恆常之溝通機制,收集佢哋嘅意見[17]。銀娛之後發出新聞稿,宣布提供「災後復修援助」、「嚴重損失援助」、「特別現金獎賞」及「特別股份獎賞」等支援;又推出新嘅颱風政策,包括增加某啲津貼[18]

响2017年9月4號,銀娛宣布,旗下員工可以得到相當於3個月工資嘅「特別股份獎賞」及最少有1.4個月工資咁多嘅花紅[19]

响2017年9月5號,新澳門博彩員工權益會同一班銀娛員工,喺澳門銀河附近遊行,該會理事長周銹芳表示,之所以發動遊行,係因為收到銀娛員工嘅求助——主要訴求包括[20]:爭取出14個月糧、取消員工評分機制同飛牌制度,以及要求升職機制公平透明等[21];亦有員工批評,嗰年突然改咗制度——只係喺九月發放相等於七成半月薪嘅特別花紅,亦唔係個個都有份攞[註 2]……新措施唔合理又唔公平,要求資方响一個禮拜之內回覆,否則或者罷工[22]。治安警察局稱佢哋派咗大概廿人維持秩序,遊行者人數約為百五[23];遊行方則話佢哋有三百人到[24]。銀娛指呢個係非銀娛員工組織嘅遊行,不予置評[25]

呂志和接受星島新聞集團專訪[26],解釋之前一連串勞資糾紛係誤會[27],又向員工表示感激[28],重講述為賑災所做之善事嘅詳情[29];報道由2017年9月5號起出街[30]

銀娛响2017年9月11號發出通告,宣布安排部分將會交畀員工嘅公司股份,提早發放[31]

[編輯]

  1. "Galaxy Entertainment". www.galaxyentertainment.com. 喺2021-07-13搵到.
  2. . www.io.gov.mo. 喺2021-07-15搵到.
  3. 謝金河 (2014-01-23). 呂志和財富 看澳門賭業風雲 - 今周刊. www.businesstoday.com.tw (中文). 喺2021-08-28搵到.
  4. 河娛樂疑監控員工網上留言 公司稱無違法 私隱署跟進. (香港中文). 喺2021-08-08搵到.
  5. "Response to Media Enquiry or Report". www.pcpd.org.hk. 喺2021-07-13搵到.
  6. 門消息:打風遲到竟扣錢 銀娛被批刻薄. on.cc東網 (香港中文). 2017-08-24. 喺2021-08-28搵到.
  7. 鴿過後員工發1200元津貼兼有薪假期 (15:36) - 20170825 - 即時財經新聞. (zn-tw). 喺2021-08-28搵到.{{cite web}}: CS1 maint: unrecognized language (link)
  8. 電已成功為近九成九客戶復電 – Today Macao 現代澳門日報 (香港中文). 原著喺2021-08-28歸檔. 喺2021-08-28搵到.
  9. 力報. 娛向員工發放1,200元津貼 援助受颱風影響員工. . 喺2021-08-28搵到.
  10. 門消息:打風扣薪遭炮轟 銀娛補鑊發津貼. on.cc東網 (香港中文). 2017-08-25. 喺2021-08-28搵到.
  11. 日搶修 終恢復公共供水. (香港中文). 喺2021-08-28搵到.
  12. 門消息:銀河招義工洗泳池 網民轟無良心. on.cc東網 (香港中文). 2017-08-27. 喺2021-08-28搵到.
  13. 員工義務清天浪淘園 銀娛道歉捐6千萬救災. www.bastillepost.com. 2017-08-28. 喺2021-08-28搵到.
  14. . www.mcfocus.com.mo. 喺2021-08-28搵到.
  15. 娛向所有員工發特別援助津貼 – Today Macao 現代澳門日報 (香港中文). 原著喺2021-08-28歸檔. 喺2021-08-28搵到.
  16. 力報. . . 喺2021-08-28搵到.
  17. 力報. 娛推出改善受災員工 福利措施. . 喺2021-08-28搵到.
  18. . macautimes.cc. 喺2021-08-28搵到.
  19. 陳嘉碧 (2017-09-05). 娛派最少4.4個月花紅兼獎金 呂志和:一直當員工自己人. 港01 (香港中文). 喺2021-08-28搵到.
  20. 鴿過後娛員工遊行 倡發放14個月薪酬 不排除罷工 (11:46) - 20170906 - 即時財經新聞. (zn-tw). 喺2021-08-28搵到.{{cite web}}: CS1 maint: unrecognized language (link)
  21. 百名銀河員工 遊行表訴求. . 原著喺2021-08-28歸檔. 喺2021-08-28搵到.
  22. 力報. . . 喺2021-08-28搵到.
  23. 力報. 體發動銀河娛樂員工遊行 要求花紅及雙糧. . 喺2021-08-28搵到.
  24. . (香港中文). 喺2021-08-28搵到.
  25. . on.cc東網 (香港中文). 2017-09-05. 喺2021-08-28搵到.
  26. 娛捐六千萬重建澳門 呂志和:值得去做. www.bastillepost.com. 2017-09-05. 喺2021-08-28搵到.
  27. 風過後 銀娛心急清理泳池有苦衷. www.bastillepost.com. 2017-09-06. 喺2021-08-28搵到.
  28. 娛員工遊行 公司強調注重與員工溝通. www.bastillepost.com. 2017-09-06. 喺2021-08-28搵到.
  29. https://eastweek.my-magazine.me/main/70175
  30. 批銀娛員工遊行抗議 爭取花紅不排除會罷工 – Today Macao 現代澳門日報 (香港中文). 原著喺2021-08-06歸檔. 喺2021-08-28搵到.
  31. 娛提早發放三分一獎勵股份 明年中前發11億元股份予員工 部分下月初發 - 20170912 - 報章內容 財經. (zn-tw). 喺2021-08-28搵到.{{cite web}}: CS1 maint: unrecognized language (link)

[編輯]

  1. Galaxy Entertainment

[編輯]

  1. 此「顧」乃原文用字,應作「僱」。
  2. 資訊複雜,未知同其他數目有冇彼此矛盾。