鐸捐

鐸捐，音名，日本網上俗語兼蔑稱，指人行事輕率魯莽，唔用腦，無常識，帶畀他人麻煩。日本法庭判為侮蔑，匿名報告板，或會公開發佈者名稱同網址。新聞網站等唔會用。

日本話原寫ドキュン只屬擬聲，似廣東音鐸捐，本意鎗聲。後來又有DQN、ドキュソ、DQ等寫法，不過讀音都唔變，只讀鐸捐，唔會讀成表面寫法，唔會讀成英文字母。

佢出自朝日電視台節目，叫目擊！鐸捐，一九九四年到二〇〇二年。內裏參與者，有唔少無常識亂來。如十六歲結婚生兩件，廿歲離婚，卌歲上呢個節目。自此就成為呢類人稱呼。

個字用得好廣泛，例如指父母輕率亂改名。日本改名，可以唐字同再自行配音名。若然父母唔跟習慣，同仔女亂配，又或改得過於耀眼，好似叫王子，又或男仔聽落似女人名等等。喺日本可能會畀人取笑，學校會畀人蝦，後果或會好嚴重。

個節目由於二〇〇二年已結束，如同流行用語，會日漸消退，但未至於成為死語。