關楓馨（英文：Fabienne Kwan，1995年7月12號—），係香港演員關禮傑個大女，亦係2021年度香港小姐競選嘅參賽佳麗。
關楓馨英國嘅大學畢業，之後到澳洲工作假期一年，跟住又返英國讀倫敦大學學院教育碩士，畢業後做咗英文教師，亦搞咗個賣自製純素肉桂卷嘅生意仔[1]。
關楓馨喺2021年參選香港小姐，因為「星二代」嘅身份畀傳媒關注，但唔算係熱門人選。佢喺準決賽得到阿爸關禮傑陪住一齊上台完成表演項目，順利入圍12強。
