阿勒泰坦克

阿勒泰主戰坦克（土耳其文：Altay），係土耳其嘅第三代主戰坦克，以土耳其獨立戰爭之中指揮第5騎兵軍嘅陸軍將領法瑞丁·阿勒泰（Fahrettin Altay）命名，預計2015年服役。

開發

呢倘計劃最初喺2007年3月尾，由土耳其國防工業局同奧托卡公司簽署協議而開始嘅。由總理埃爾多安主導嘅國防工程部執行委員會俾咗奧托卡公司價值約5億美金嘅訂單，要求佢研製出4架國產主戰坦克。奧托卡公司係土耳其一間汽車製造商，自1963年嚟生產過超過25000架車。

2009年4月，土耳其國防工業局領導人穆拉德·巴亞喺第九屆IDEX國際國防工業展入面證實咗呢款坦克只係會用本國資源嚟生產，又預計三年之內可以製造出專為土耳其軍設計嘅坦克模型。截至2010年9月，阿勒泰坦克嘅概念設計階段已經完成，工作進入詳細階段。

2010年10月1，奧托卡公司同MTU以及蘭克公司簽訂大批坦克引擎嘅合約，同年12月，國防工業執行委員會決議開發本國生產嘅引擎。2011年5月，阿勒泰坦克模型響2011年IDEF展上面公佈。

性能

呢架坦克預計有120毫米55倍徑滑膛砲，並有應對生物、化學同輻射性攻擊嘅防護系統，引擎嘅馬力有1800匹（頭兩批訂單嘅車將會係1500匹馬力），時速70公里，可以響4.1米深嘅水下作戰。