阿爾丹杜雅·沙麗布被殺案
(由阿爾丹杜雅·沙麗布謀殺案跳轉過嚟)
阿爾丹杜雅·沙麗布謀殺案[1][2]（馬來話：Pembunuhan Altantuya Shaariibuu）係一宗馬來西亞嘅謀殺案，受害人蒙古女郎阿爾丹杜雅·沙麗布，2006年10月19號喺馬來西亞首都吉隆坡嘅沙亞南區暗角處，俾人用C-4炸藥殺害，或者被殺後俾人用C-4炸藥毀屍滅跡。
2009年4月9號，沙亞南高等法庭裁決，判處兩名涉案被告，西魯·阿茲哈·烏馬同阿茲拉·哈德里死刑，結束長達159日嘅審訊。兩名被告向上訴庭上訴，2013年8月23號獲判無罪釋放，控方同日繼續向聯邦法院提出上訴，期間西魯棄保潛逃澳洲。2015年1月13號，聯邦法院推翻上訴庭判決，裁定兩名被告罪名成立，判處死刑。西魯畀澳洲扣留[3]，阿茲拉就喺加影監獄候刑。
2008年7月3號，時任馬來西亞副首相納吉阿都拉薩嘅助手阿都拉薩·巴金達請嘅私家偵探巴拉蘇巴馬廉（P Bala Subramaniam）揭露納吉同阿爾丹杜雅·沙麗布擁有性關係。而阿丹杜雅更係馬來西亞向法國買潛水艇嘅中間人，並曾經向納吉索取50萬美元嘅佣金。巴拉指出，雖然佢俾警方錄口供時，曾告知納吉與同阿丹杜雅擁有親密嘅關係，但警方冇將呢啲內容刪除，冇納入到供詞，檢控官亦冇喺法庭上盤問佢呢件事[4]。7月10號，納吉喺閉門召開嘅巫統特別匯報會上，對著全國191個巫統區部、巫青團、婦女組及女青年團領袖約800人嘅面前，以真主嘅名義發誓，否認自己曾經同阿丹杜雅見面，或彼此互相認識[5]。
2019年12月，死囚阿茲拉通過律師發佈法定聲明，指控前首相納吉阿都拉薩就係下令佢殺害阿爾丹杜雅嘅指使人[6][7][8][9]，並入稟法庭申請審核裁決，獲聯邦法院批准，將於2020年4月聆訊[10]。
睇埋
[編輯]參考
[編輯]- ↑ 〈奇案追"中"（第19篇）．2006年 蒙古女郎炸屍案 中国报 ChinaPress〉。www.chinapress.com.my。原著喺2021-04-10歸檔。喺2021-04-05搵到。
- ↑ 〈C4炸药炸死 蒙古女郎案轰动 社会〉。《東方網 馬來西亞東方日報》 (簡體中文)。喺2021-04-05搵到。
- ↑ 〈马来西亚涉谋杀蒙古女郎警员于澳洲被捕〉。《BBC News 中文》 (簡體中文)。2015-01-21。喺2021-04-05搵到。
- ↑ 黄凌风 (2008-07-03)。〈宣誓书揭纳吉与阿旦杜亚性关系拉萨私家侦探爆蒙女案惊人指控〉。Malaysiakini (中文)。喺2021-06-07搵到。
- ↑ 〈當800黨員面前發誓‧納吉稱不認識安娜〉。《光明日报》 (臺灣中文)。喺2021-06-07搵到。
- ↑ 纳德斯瓦兰 (2019-12-16)。〈死囚阿兹拉大爆料："是纳吉命令我杀阿旦的"〉。Malaysiakini (中文)。喺2021-04-05搵到。
- ↑ 〈◤蒙古女郎被杀炸尸◢ 前特警阿兹拉惊人爆料：纳吉指使消灭阿旦杜亚 中國報〉。《中國報 China Press》 (美國英文)。喺2021-04-05搵到。
- ↑ 張, David (2019-12-16)。〈「就是纳吉指示杀阿旦杜亚」前特警发表惊人指控〉。《马来西亚诗华日报新闻网》 (中國中文)。喺2021-04-05搵到。
- ↑ 〈前特警阿兹拉惊人指控：是纳吉指示杀阿旦杜亚 国内〉。《東方網 馬來西亞東方日報》 (簡體中文)。喺2021-04-05搵到。
- ↑ 〈阿兹拉审核裁决申请获准，明年4月聆讯〉。Malaysiakini (中文)。2019-12-17。喺2021-04-05搵到。