陳凱文

陳凱文係香港建制派時事評論員，同時亦係學研社、中華人文主義者協會成員。佢喺思考香港、立場新聞等平台發表政評，因而受到一啲香港人嘅關注。

政見

佢嘅政見令一般人會將佢當作親中建制派。

例如，喺香港政府打壓所引起嘅2021年民主派組織解散潮下，佢力主支聯會同職工盟應被解散，又單憑職工盟同國際工會聯合會建基於相近理念嘅互動，聲稱職工盟勾結境外勢力。

喺2021年香港立法會選舉，由於中共未經諮詢或香港人同意，大幅度削減立法會直選議席，所以好多民主派都選擇唔參與，面對報名而入到閘又有非建制派背景嘅候選人，民主派人士好多都當佢哋只係「政治花瓶」或者已經係親中派嘅一部分。不過，陳凱文就仍然主張參與，形容呢啲非建制派出身嘅候選人係Lesser Evil，支持佢哋可以保存陣營實力。另外，佢又反對民主黨喺2021年進行嘅黨內初選，話佢哋係雙重標準。

另外，對民主進程方面，佢嘅立場亦偏向保守，例如，陳凱文就連親中派潘焯鴻曾經喺2021年香港立法會選舉嗰陣提出希望每屆立法會起碼有一次政改方案，同埋最終達到有公民提名元素嘅機制，佢亦反對。