陳進新

陳進新（網名陳劍雄，1974年—）係中華人民共和國維權公民、在押異見人士，南方街頭運動踐行者，湖北赤壁人，「赤壁五君子」之一。自2013年多次參與國內嘅圍觀聲援活動，勇於多次舉牌、拉橫額表達對民主憲政嘅政治訴求，曾多次畀警方拘留、刑拘、酷刑同強行驅趕。

遭遇

• 2013年5月25號，因同袁小華、袁奉初、黃文勳等喺湖北赤壁宣傳民主政治，而畀當地警方以「煽動顛覆國家政權」刑拘，7月13號被取保獲釋。
• 2013年9月30號，同謝文飛喺廣東佛山街頭舉橫額，要求「廢除一黨專制，建立民主中國」，而畀佛山警方再次以「煽動顛覆國家政權罪」刑拘，困喺天河區看守所，受酷刑折磨，10月30號被取保獲釋。
• 2014年2月，參加山東曲阜薛福順唔正常死亡事件觀察團去曲阜查真相，多次喺曲阜畀警方歐打同驅趕。
• 2014年3月，因去黑龍江省聲援「建三江律師被拘事件」而畀警方行政拘留15日。
• 2014年5月，因去武漢同朋友會見佛教法師徐志強，畀武漢警方拉走，又以「煽動顛覆國家政權罪」刑拘，5月17號被取保候審。
• 2014年7月，再去河南鄭州參與公民聲援「鄭州十君子事件」，同去焦作聲援「張小玉夫婦殺警事件」，喺2014年8月1號畀警方喺鄭州第三看守所附近拉走，畀湖北省赤壁市警方直接報檢察院以涉嫌「擾亂社會公共秩序罪」拉咗，羈押喺赤壁市看守所
• 2016年12月16號，畀湖北省咸寧市赤壁市法院以「尋釁滋事罪」判有期徒刑2年8個月；2016年12月31號刑滿放監。
• 2017年9月29號，同袁兵、梁一鳴去赤壁市公安局國保大隊投訴放監後畀人長期監控同騷擾，終因雙方理念唔同、爭論幾激而不歡而散。
• 2017年10月3號，再次畀赤壁市警方以涉嫌「尋釁滋事罪」刑拘；11月8號，畀赤壁市檢察院以同罪名正式批捕，至11月10號畀赤壁市警方正式拉咗。

家下被羈押喺湖北省赤壁看守所。

攷

• 〈中國政治犯關注: 陳進新（CPPC編號：00213）〉 (繁體中文)。