陳尸，亦寫陳屍，古時叫肆，係犯人行刑後，條屍畀人放喺空曠地，任由暴露。諸夏習俗，死後要入土爲安，所以陳尸都係罰。
今日若果有屍喺室外暴露，都叫陳屍。有時就算死喺室內，無人知，或棄之不顧，亦叫陳屍。
周時肆，唔同階層，放嘅地方唔同。大官會放喺朝，為卽係朝廷。而無咁尊貴，就放喺市，卽係街市。所以有云，肆諸市朝。《論語》憲問第十四、卅八章一節有講：「公伯竂愬子路於季孫、子服景伯以告、曰、夫子固有惑志於公伯寮、吾力猶能肆諸市朝。」
