陳廷驊家族

出自維基百科,自由嘅百科全書
Jump to navigation Jump to search

陳廷驊家族,祖籍浙江寧波鄞縣雲龍,以紡織業起家。家族公司係南豐集團,而且有陳廷驊基金會,負責管理陳廷驊大部分身家。

家族史[編輯]

陳廷驊父輩係劏牛嘅,到佢廿零歲嗰陣,佢去咗上海同當時嘅「染料大王」周宗良學師。1949年,周宗良帶埋兩個助手落嚟香港搞生意,陳廷驊係其中一個。1954年,陳廷驊創立南豐紡織廠。到1970年,南豐紡織上市,之後南豐唔單只經營紡織業務,重開始涉足地產業務,最出名就係起咗南豐新邨,南豐紡織到1989年就畀陳廷驊私有化咗。

到1990年代,陳廷驊因為有腦退化症,南豐嘅話事權慢慢交咗畀細女陳慧慧,到2009年陳慧慧先正式成為南豐嘅董事長。大女陳慧芳因為去咗美國生活,所以佢負責打理老豆喺美國嘅業務。

2009年,陳廷驊老婆楊福娥以陳做出「不合理行為」為由同佢離婚。到2010年,舊老婆楊福娥同細女陳慧慧出現爭產風波,搞到上法庭,官司一路打到陳廷驊死之後嘅2016年至判楊福娥勝訴。[1]之後,圍繞南豐家族嘅官司一直冇停過。

而陳廷驊最終喺2012年過身,佢過身嘅消息出嚟之後,南豐同陳廷驊家族一直都冇證實,一路到兩日後,南豐集團先至正式公佈。

家族樹[編輯]

參考[編輯]