朱聿鍵

朱聿鍵（1602年5月25號—1646年10月6號）係南明第二位皇帝，1645年到1646年在位，建都福州，跟廟號叫明紹宗，因為年號係隆武，又叫隆武皇帝。

生平

佢原先係唐王，為人自奉甚儉，品格响南明咁多位皇帝入面，係少見嘅優良。黃道周（黃石齋）描述咗佢嘅為人：「今上不飲酒，精吏事，洞達古今，想亦高、光而下之所未見也。」

喺弘光帝畀清軍俘虜後，朱聿鍵喺福州登基做皇帝，改元「隆武」。佢同喺浙江嘅魯王朱以海勢力對立。清軍進攻浙江同福建，鄭芝龍降清，隆武帝想走去江西，喺汀州畀清軍追到，隆武帝死咗。之後桂王朱由榔喺廣東肇慶做監國，喺朱由榔走咗去廣西之後，隆武帝細佬、唐王朱聿𨮁喺廣東廣州登基做皇帝，就係紹武帝，朱由榔聽到朱聿𨮁登基做皇帝之後，返番去肇慶登基做皇帝，就係永曆帝。