雙眼競爭

雙眼競爭（binocular rivalry）係一種視覺上嘅現象。當左眼同右眼睇到好唔同嘅影像嗰陣，個人意識上會覺得自己睇到兩幅交替噉出現嘅影像。通常做雙眼競爭實驗嗰陣，個研究者都會俾個受試者戴啲特製嘅眼罩，而呢啲眼罩內置兩個熒幕（左眼一個右眼一個），令到個研究者可以控制個受試者左眼同右眼分別睇到啲乜。有啲研究就發現，喺做實驗之前叫個受試者喺腦入面想像一啲影像會影響到佢睇到啲乜，例如如果家吓喺個實驗入面左眼個熒幕顯示綠色圓形，而右眼個熒幕顯示藍色四方形，事前俾個研究者叫佢哋喺腦入面想像綠色圓形嘅受試者比較大機會會話自己淨係見到綠色圓形。