雙節棍
「雙截棍」跳轉到呢度。想搵香港商業電台節目，請睇「雙截棍 (電台節目)」。
雙節棍，又或者叫兩節棍，英文名 Nunchaku，係一種傳統武器．佢係將兩支棍用短鐵鏈連埋一齊，利用兩支棍嘅重量揈出去，形成極大嘅攻擊同破壞力。
簡史
[編輯]對於雙節棍來源有好多唔同講法，有人認為最初係由中國發明，跟住傳咗入日本改良，亦有人認為係嚟自菲律賓傳統武器魔杖演變出嚟，唔同人都有唔同講法。
70年代武打明星李小龍喺電影入面運用雙節棍功夫，令雙節棍大受歡迎，之後好多人開始對雙節棍產生興趣，發展出好多唔同嘅雙節棍技巧，到而家已經自己成為一種武術體系。
違禁武器
[編輯]《香港法例》將雙節棍列為違禁武器，定義係用鐵或者木嘅兩支棍中間用鐵鏈連埋一齊，就屬於違禁武器，不過用膠做嘅玩具雙節棍就唔算。如果以武館名義去警局申請牌照，就可以合法收藏雙節棍[1]。