雜草

雜草

石梯生雜草

入侵品種。生到周圍都係。

雜草、野草，話某啲草，啲人唔想要。好似農田咁，就唔想佢哋搶營養，搶日光。花園咁，本身打理到整整齊齊，就唔想佢哋搞亂外觀。草地中間，生到大大樖唔好睇，甚至用唔到。 生物學上，並無所謂雜草，純粹人唔中意佢哋咁。但佢哋都有啲生物特微，就講佢粗生，繁殖力強，散佈力強，生到周圍都有，唔使人打理。之不過，外觀唔靚，唔受人喜愛。

話雖人唔中意，但都睇地方睇人。有啲有佢功用，例如做藥材咁，就未必睇成雜草。另外，就算人唔想要，但好多生物都靠佢維生，生態必需。好似蜜蜂咁，就靠佢花粉花蜜維生。雜草開拓荒地，為其他草木開路。

之不過入侵品種，一般都唔受歡迎，佢哋本地生態有害，搞亂原本棲息地，會睇成雜草咁盡量去除。

視乎需要，對雜草態度可以唔同。有啲地方，鼓勵屋前屋後種雜草，以維持生態。有啲地方就唔中意咁，生得亂唔好睇之餘，會引來大量蛇蟲鼠蟻，影響鄰居。

農田花圃咁，就有必要治雜草，亦即除草。現代好常用除草劑，古時就用鋤頭鋤開，翻土減少雜草都有。之不過雜草同作物之間，唔一定相衝，有時會互惠。有啲雜草就會變成作物。