雞公山（Kai Kung Shan），又叫雞公頭，喺香港大嶼山西便一座山，係二澳同雞翼角之間一個半島。《粵大記》海圖將佢畫響大澳同石壁中間，差唔多突出個島咁。座山高一百七十幾米。
山東便二澳低地一帶有村二澳口、二澳新村同二澳舊村。北便半島尖叫青林角。山南有坳叫根頭坳，同大嶼山個山脈相接。根頭坳西便對出有個島叫雞翼角。過坳南行可以煎魚灣。
雞公山係屬於南大嶼山郊野公園範圍，而南便根頭坳有鳳凰徑第七段經過，北去到大澳，南去到分流。
雞公山周圍海面，係中華白海豚出沒嘅地方[1]。
