離鄉情淚

《離鄉情淚》係喺1962年嘅一部粵語片，由黃卓漢執導，丁瑩、張儀主演。

情節

張進係一個電器行雜工，人工好奀，重要寄錢翻鄉下畀屋企，進好唔甘心，決心要出人頭地。張進幫有錢佬羅富有做工程時，巴結討好佢個女玉芳，又俾佢得到手，於是唔話人知鄉下有老婆，同玉芳結婚，結婚之後幫外父打理生意。

張進得知阿媽病死，鄉下個老婆李玉憐帶埋仔女搵佢，佢怕俾人知自己重婚，於是搵舊老闆呃玉憐話自己去咗南洋。

玉憐搵唔到張進，但喺陳家打工時撞到張進，張進唔認兩個係兩夫妻，玉憐好傷心咁離開。不過紙包唔住火，當玉芳一家人知道真相之後，就趕走咗張進；張進好後悔，好彩玉憐肯原諒佢，於是一家四口終於團聚。