零之使魔
零之使魔，日本輕小說，山口昇寫，兔塚英志插圖，召喚同異世界類作品。原作亦有改成漫畫、電視動畫同電子遊戲，至終成為山口昇遺作。
小說分廿二卷，二十卷佢自己寫好，並話會餘下兩卷。無耐佢公告講自己有末期癌。二〇一二年九月，又講佢已寫兩卷大綱[1]。二〇一三年四月四號，未寫好嗰兩卷就死咗[2]。
二〇一五年六月廿五號公告，跟作者遺願，家人意願，餘下兩卷按大綱，會以作者指定代筆完成[3][4]。就咁，二〇一六年二月廿五號，出第廿一卷，全世界同時發行[5][6]。餘下至終第廿二卷，亦喺二〇一七年二月廿四號發行[7]，並且將未出過短篇，未公開過情節，都收錄喺零之使魔紀念冊入便，同年六月廿四號發行。
雖則代筆無正式公開過，志瑞𧙗留言話佢做寫手。
故事主要喺異世界。女主角路易絲，貴族，魔法學院學生，次次施展魔法都失敗，而且會爆炸，同學話佢魔法無才，戲稱零之路易絲。升上二年級前，人人要召喚使魔，有種種魔物魔獸。唯獨佢召喚使魔召出人，成為眾人笑柄。召喚出正正男主角平賀才人。才人只不過平凡人，日本就讀高校二年級，東京街頭突現一面發光鏡，好奇心作祟亂掂，無端召喚到異世界。男女主角歡喜寃家，初時路易絲當才人做狗，關係惡劣。才人一直想返日本，然而兩人又隨時間漸漸親近，故事就咁展開。
攷
[編輯]- ↑ ヤマグチノボル(@hexagonzero) (2012-09-20)。〈『ゼロの使い魔』の終わりまでの流れというかプロットが完成しました〉。twitter。喺2015-12-11搵到。
- ↑ 〈【訃報】〉。《MF文庫J》。メディアファクトリー。2013-04-11。原著喺2016-03-04歸檔。喺2015-12-11搵到。
- ↑ 〈『ゼロの使い魔』続巻刊行決定「完結までのプロットが遺されていた」〉。ORICON STYLE。オリコン。2015-06-25。喺2015-06-25搵到。
- ↑ 〈編集部より / 『ゼロの使い魔』続刊刊行によせて〉。《MF文庫J『ゼロの使い魔』公式サイト》。KADOKAWA。原著喺2021-04-26歸檔。喺2015-06-25搵到。
- ↑ 〈『ゼロの使い魔』最新21巻発売日決定!〉。《MF文庫J『ゼロの使い魔』公式サイト》。KADOKAWA。原著喺2021-04-20歸檔。喺2015-12-11搵到。
- ↑ 〈MF文庫J『ゼロの使い魔』、最新21巻が2016年2月25日に全世界同時発売決定〉。マイナビニュース。2015-11-25。喺2021-01-14搵到。
- ↑ 〈未完の「ゼロの使い魔」が来年2月についに完結へ〉。《日刊スポーツ》。2016-07-20。喺2016-07-20搵到。