惠福祠
(由靈應祠跳轉過嚟)
惠福祠，靈應祠，即仙湖金花古廟，中國昔日一廟，為金花廟，拜金花夫人。
古廟喺廣州仙湖街，舊日清源巷口，仙童橋側，近城牆正南門同大佛寺。地約今日廣州市越秀區金雁招待所，大南街華夏閣後，仙湖街大院側。
叫靈應因為求子好靈，而金花封為金花普主惠福夫人，所以叫惠福。
史
[編輯]大明時傳說，金花廣州人，喺湖浸死，屍浸不壞有異香。里人陳觀，帶人舉殮，見屍為人形香木，立祠靈應祠，而湖亦改名仙湖。求子好靈，好多婦女求子。
及後祠毁，大明成化五年，即一四六九年，巡撫都御史陳濂重建，稱金花為金花普主惠福夫人。祠亦叫惠福祠。
大明嘉靖初年，理學大盛，廣東提學魏校要毀淫祀，靈應祠毀，金花像遭焚。其後粵人原地復廟。有金花會。
大明大清仍然香火鼎盛，係廣州一大廟。光緒元年，西人仍見到仙湖金花古廟。
廟
[編輯]主神金花普主惠福夫人。
左右兩邊，各塑神姨像二十做奶媽。
婦女求子，入廟參拜，臂綁紅絨，要話個蘇蝦係自己嘅。