非法獻花

非法獻花係網上流行話，源自因Google有打算撤出中國，市民向地區總部獻花時，清華科技園實Q驅逐佢哋嘅藉口。

背景

2010年1月13號，Google喺博客話，Google諗緊去關咗「谷歌中國」網站同埋中國辦事處，因為佢冇辦法繼續審查搜番嚟嘅嘢。嗰日上晝，好多人嚟到Google辦事處獻花。之不過辦事處所在嘅清華科技園啲保安話，若果想獻花畀Google要事先同有關部門申請，審批過喇先至得，如果唔係就係非法獻花。呢個詞就咁傳開嚟喇。

有人嚟Google中國辦事處獻花，世界上好多地方都新聞出街，不過中國呢邊就審查咗呢條新聞。有啲大陸網站通報咗呢條新聞，不過冇耐就刪咗。有個中國婦女話：「政府唔可以成日對佢啲人民講大話。」有網友話，Google做得啱，中國政府成日封網，中國又唔係亞洲，要同其他亞洲國家合作。

新浪微博，百度百科，互動百科家下都閂咗有關非法獻花嘅嘢，百度知道有關呢件事嘅問題唔畀睇，而百度貼吧嘅非法獻花吧閂咗。