韋小寶
韋小寶有七個老婆，兩個仔同一個女，分別為雙兒、沐劍屏、曾柔、方怡、蘇荃、阿珂、建寧公主，大仔韋虎頭、二仔韋銅錘同三女韋雙雙。
韋小寶係個虛構嘅小說人物，按小說推算，小寶應該比康熙細兩歲，即係順治十三年（1656年）出世，小說故事大約喺康熙二十三年（1684年）左右完，小寶28歲。但係近來有人研究原型應該係清朝康熙時代嘅隆科多，只係隆科多就冇小說嘅韋小寶咁好彩。韋小寶嘅阿媽韋春花係揚州妓院「麗春院」嘅妓女。韋小寶自世喺妓院大，佢為人好賭、鹹濕，鍾意鬧人、呃人、賭錢出貓直頭係家常便飯，不過有江湖義氣。韋小寶唔識字，但喜歡聽人說書，受故仔嘅英雄人物影響，個性幾義氣。
韋小寶唔同嘅身份：
- 因緣際會入皇宮認識咗康熙皇帝中結為好友，做過假太監、御膳房總管、御前侍衛副總管、都統、撫遠大將軍、通吃伯、通吃侯、鹿鼎公等。
- 代康熙皇帝到少林寺出家，法號晦明，喺寺中地位僅次方丈晦聰。
- 天地會青木堂香主。
- 神龍教白龍使。