韋華高
韋華高（Vasco Gareth Llewellyn WILLIAMS），香港警察，2020年獲晉升為高級警司[1][2]。
因為喺香港反送中運動期間以非人化語言形容示威者，以及自身涉及僭建事件，而備受一啲關注同批評。
早年經歷[編輯]
韋華喺1990年畢業於加拿大嘅約克大學政治同公共行政學系。之後佢加入咗香港警隊。2003同埋2007年，佢分別去英國嘅曼徹斯特城市大學讀完英國法律專業共同試同法學學士學位[2]。
爭議[編輯]
香港反送中運動期間言行爭議[編輯]
喺香港反送中運動期間，香港警察暴力執法嘅行為備受批評，韋華高曾經喺一次警方例行記者會上，聲稱遭到拘捕嘅守護孩子行動義工係 「Yellow Object （黃色物體）」。佢又質疑，而家嘅世代到處都有人影相，警員唔會傻到喺街上毆打人嘅。但有記者當面回應佢，話5年前就有七警暗角打人案，韋華高就話呢個係5年前嘅事，但佢之後嘅回答就即刻語塞[3]。
佢又被揭發，私下以「喪屍」（Zombies）嚟形容爭取民主嘅抗爭人士，又指市民們申訴嘅五大訴求係廢話（Nonsense）[1][2]。
被揭發僭建霸地[編輯]
韋華高喺2020年被發現，佢位於西貢大洞村的村屋住所，至少兩處疑僭建，包括露台一角用玻璃圍封成獨立空間，同埋天台設大面積、無圍封嘅遮篷。根據屋宇署嘅指引，天台上無圍封的遮篷，必須係可容易同埋隨時可以拆除或收合，而且唔係永久定死喺天台，完全張開時候，覆蓋面積唔多過5平方米，否則屬於僭建[2]。