頌恩歌集

《頌恩》歌集（全名《頌恩——信友歌集》）係天主教香港教區官方出版嘅聖歌集，分1976年出版嘅舊《頌恩》^[1]^:IV同2005年出版嘅新《頌恩》，而今一般講《頌恩》唔講新舊會係指新《頌恩》；雖然一樣名，但係其實兩本完全唔同，因為入面啲歌嘅編號全部掉亂嗮。

舊《頌恩》收錄咗299首歌，包括彌撒曲，而歌詞就特登改到啱粵語嘅聲調^[1]^:IV。

之後喺1982年出咗一本叫做《心頌》嘅歌集^[1]^:IV，收錄咗293首歌，雖然唔同名，但係《心頌》入面嘅歌編號由300開始，所以其實係舊《頌恩》嘅第二冊。舊《頌恩》同《心頌》都係同時用五線譜同簡譜，收錄嘅大部分係中文聖歌，但係有少量英文聖歌。

新《頌恩》係將舊《頌恩》同《心頌》兩本溝埋，再從新編排，除咗再加一啲新歌之外，亦都將舊版嘅一啲歌剔走咗，所以有啲歌舊版有，新版反而冇。同舊《頌恩》唔同，新《頌恩》淨得五線譜，但係有簡譜嘅索引（即係唔知歌名，但係知第一句點唱都可以搵到首歌）。另外，新《頌恩》入面除咗有少量英文聖誕歌之外，並冇任何英文聖歌。