風筒

風筒係一隻用來吹乾頭髮嘅電器。佢係用摩打一邊抽空氣，令到加速空氣流動，形成風，風通過一組發熱線，變熱。響另一邊筒身將啲熱風吹出嚟，如果發熱線冇著，風係室溫，或者係凍風。風吹落濕嘅頭髮上面，上面水份就快啲蒸發走，做到快乾嘅效果。

風筒除咗用嚟吹乾頭髮之後，重可以幫手控制頭髮定型。洗濕頭嗰陣時，頭髮部份氫鍵會暫時消失，咁原有髮型會消失，而頭髮乾咗髮型就會變。響頭髮重係濕嗰陣，就可以梳好髮形，用風筒快速吹乾，做到定型嘅效果。