風閘 - 維基百科，自由嘅百科全書

風閘（又嗌空氣門、空氣幕、風幕機、風門）係一種機械裝置，一般裝喺門上面，可以隔絕室內同室外嘅空氣，達到防塵、慳冷氣同防蚊蟲入屋嘅效果。喺超級市場、百貨公司、政府部門等公共場所成日會見到爾個裝置。

原理

風閘沿住隻門產生一向下氣流，由白努利定理（英文：Bernoulli's principle），由於流線唔可以互相穿過，當一氣流打到一垂直平面後會產生停滯點，而氣流會從停滯點分開。爾個原理應用喺風閘度，風閘產生嘅氣流打到落地板，喺地板形成一停滯點連線，令室內氣流嘅流線同室外氣流流線冇得交匯，因此令室內同室外嘅空氣冇得交換。因為室外空氣入唔到室內，所以可以慳到冷氣，亦可以防止室外嘅塵同蚊蟲入屋。