風

  想搵第二個意思嘅話，請睇風 (搞清楚)。

風係大規模嘅氣體流動現象。喺地球上面，風係由空氣嘅大範圍運動形成嘅。喺外太空，太陽風係氣體或者帶電粒子由太陽到太空嘅流動，而行星風就係星球大氣層嘅輕化學元素經釋氣作用飄散去太空。風通常可以按照空間尺度（英文scale）、速度、力度、肇因、產生區域同埋佢嘅影響來劃分。喺太陽系嘅海王星同埋木星上面，曾經觀測到而家為止喺星球上面產生嘅最強烈嘅風。

郁嘅原因係地面熱得唔勻循。風有大細，有分級。有啲幾十分鐘微風係某地方晒熱咗引起；亦有啲因為太陽熱力整到響地球長吹嘅風。風向受兩種因素影響，一種係南北極同赤道之間溫差，另一種係地球自轉。

氣壓同地球自轉唔同，等空氣流動而產生風。空氣嘅重量造成咗氣壓，唔同地區嘅氣壓因為空氣密度、地形、溫度、經緯度唔同而有所變化，因為噉而產生咗高低氣壓，喺同一個水平面上面，氣流從高壓向低壓運動，就形成風。

氣象學裏面，風有兩個重要嘅元素：風向同埋風速。

類型

季候風

季候風（又叫季風）係週期性嘅風，隨住季節變化，而且盛行風向季節切變達到120度以上。主要發生喺亞洲（東亞地區）、西非畿內亞同埋澳洲北邊沿海地帶。

暴風

根據香港天文台嘅定義，暴風嘅定義係指風力達到蒲福氏風級10級到11級，即係每個鐘頭88到117公里，亦即係每個鐘頭48到63海里或者每秒24到33米嘅風力。低過暴風風力一級嘅，係烈風，而高一級嘅係颶風。

風嘅級別

蒲福氏風級（Beaufort scale或Beaufort wind scale）係英國人法蘭西斯蒲福（Francis Beaufort）喺1805年根據風對地面物體或海面嘅影響程度而定出來嘅風力等級。按照風力強弱，將風力劃分成「0」到「12」，一共13個等級，即係而家世界氣象組織所建議嘅分級。到咗20世紀50年代，因為發展出更完善嘅測風儀器，喺自然界入面可以實際測量出來嘅風力就超過咗12級嘅風力等級好多，於是乎就將風力等級由「0」到「12」級擴展到最高嘅「17」級，亦即係一共18個等級。

蒲福氏風級發明嗰時係一種依靠觀察海面現象嘅分級法。各級數係根據海情或者浪嘅情況來劃分，冇定明相關連嘅風速。

一個區域同另一個區域熱帶旋風風級術語係唔同嘅，所以區域性同全球性亦都唔同‧比較嘅表如下：

一般風級			熱帶氣旋風級（10分鐘平均風速）
蒲福氏風級	10分鐘平均風速（節）	一般名稱	北印度洋 IMD	西南印度洋 MF	澳洲 BOM	西南太平洋 FMS	西北太平洋 JMA	西北太平洋 JTWC	東北太平洋& 北大西洋 NHC&CPHC
0	<1	無風	低氣壓	熱帶擾動	熱帶低區	熱帶低氣壓	熱帶低氣壓	熱帶低氣壓	熱帶低氣壓
1	1–3	軟風
2	4–6	輕風
3	7–10	微風
4	11–16	和風
5	17–21	清風
6	22–27	強風
7	28–29	疾風	深度低氣壓	熱帶低氣壓
	30–33
8	34–40	大風	氣旋風暴	中度熱帶風暴	熱帶氣旋 （一級）	熱帶氣旋 （一級）	熱帶風暴	熱帶風暴	熱帶風暴
9	41–47	烈風
10	48–55	狂風	強烈氣旋風暴	強烈熱帶風暴	熱帶氣旋 （二級）	熱帶氣旋 （二級）	強烈熱帶風暴
11	56–63	暴風
12	64–72	颶風	特強氣旋風暴	熱帶氣旋	熱帶氣旋 （三級）	熱帶氣旋 （三級）	颱風	颱風	颶風 （一級）
13	73–85								颶風 （二級）
14	86–89				熱帶氣旋 （四級）	熱帶氣旋 （四級）			強烈颶風 （三級）
15	90–99			強烈熱帶氣旋
16	100–106								強烈颶風 （四級）
17	107–114				熱帶氣旋 （五級）	熱帶氣旋 （五級）
	115–119			特強熱帶氣旋				超級颱風
	>120		超級氣旋風暴						強烈颶風 （五級）

出面網頁

• 描述風力嘅常用術語(文字版本) - 香港天文臺
• 描述風力嘅常用術語(表格) - 香港天文臺
• 蒲福氏風級表嘅地面狀態同海面狀態 比較 - 香港天文臺（表格）
• 氣象常用術語 - 美國氣象局