飛躍舞士

飛躍舞士（Flying Dancer）係一隻香港賽馬馬匹，1982年喺紐西蘭出世，曾經喺1986-87馬季做咗香港馬王。

呢匹馬最初由屈雅達、方祿麟訓練，馬主係盧家根。只不過，由於佢喺1986/1987馬季出賽期間連輸六場，再加上盧家根後來惹官非，而宣布將呢匹馬拍賣，結果林百欣以66萬投得，隨後更轉投簡炳墀。結果轉倉首仗，即贏咗香港冠軍暨遮打盃，成為當季香港馬王。

1988年1月24號，飛躍舞士喺第一屆香港邀請盃，以一又四分一馬位擊敗鑽中寶，成為首屆香港邀請盃冠軍，呢場亦係佢最後一場頭馬。