食鬼

出自維基百科,自由嘅百科全書
跳去: 定向搵嘢
食鬼小精靈

食鬼》(Pac-Man)係經典嘅街機遊戲,由Namco公司嘅岩谷徹設計並由Midway Games1980年發行。無咗一角嘅薄餅係岩谷徹創作呢個遊戲嘅靈感來源[1]

食鬼喺二十世紀八十年代風靡全球,最經典嘅街機遊戲之一,遊戲嘅主角小精靈嘅形象,甚至係大眾文化符號,或者係呢個產業嘅代表形象。佢嘅開發商Namco亦將呢個形象做佢嘅吉祥物同公司嘅標誌,一直用到今日。

遊戲模式[編輯]

遊戲嘅目的就係控制遊戲嘅主角小精靈食晒喺迷宮入面所有嘅豆,而且唔可以俾鬼魂捉到。

迷宮嘅四個角有大嘅閃爍點叫做大力丸,提供小精靈一小段時間,可以反過來食鬼魂。鬼魂喺呢這段時間度會變成深藍色,會向反方向走,而且通常郁嗰時比較慢。當鬼魂俾小精靈食咗,佢嘅眼重喺度,會飛返鬼屋,並再生而回復正常嘅顏色。當深藍色嘅鬼魂反白閃動時,表示大力丸嘅效力就快消失,而隨住遊戲嘅進展,大力丸嘅有效時間會越來越短。喺遊戲嘅後段,食咗大力丸時,鬼魂唔會改變顏色,但仍然會向相反方向走。

獎賞物品:

Google紀念活動[編輯]

2010年5月21號,為紀念遊戲誕生30周年,Google標誌改為遊戲圖片,而撳Insert Coin掣或等候十秒即可進行在線遊戲。呢個遊戲並唔係用FlashSilverlight等流行程式整,而係用HTMLCSSJavaScript製作而成嘅,得聲係用咗Flash。當連續撳Insert Coin掣兩次,更會出現雙打模式,各關卡都係同樣布局。遊戲嘅音效更同原裝一樣逼真,而為咗忠於原著,喺第256關Google更特別模擬因原裝遊戲程式錯誤而出現嘅亂碼畫面[2]。遊戲原本只放喺傳統首頁48個鐘[3]。因為好受歡迎,因此Google將當時嘅首頁改為永久版本[4][5]

參考[編輯]