香港手語歌舞劇團

出自維基百科,自由嘅百科全書
跳去導覽 跳去搵嘢

香港手語歌舞劇團Hong Kong Sign Language Musical Theatre)係香港一個非牟利組織,第一個以手語、手語同埋手語歌音樂劇為主嘅表演團體。佢喺2009年5月成立,前身叫手‧語‧歌劇團,喺2009年12月23號正式改名。劇團嘅使命「將手語歌成為第十藝術」,並致力發展嶄新嘅藝術手語舞(Sign Dance),劇團由一班義工組成,四圍應邀義演同埋做街頭義演。劇團組成嘅目的係推動「手語普及化」、同埋融合視覺藝術以及表演藝術,結合埋手語歌、舞蹈同埋戲劇將手語推去另一個藝術嘅層面。等公眾人士可以認識手語,跟著去學手語,拉近唔同能力嘅人士之間嘅距離。

榮譽[編輯]

劇團曾經喺2009年嬴得「YMCA 聯青聾人中心」第七屆香港手語歌比賽嘅『冠軍』、『亞軍』、『最閃爍表現獎』、『最佳手語演繹獎』同埋『創意精神獎』五個獎。2010年第八屆香港手語歌比賽贏得演繹歌曲及自選歌曲分別『亞軍』、『季軍』同埋『最閃爍舞台表現獎』。同埋喺11年5月「兩岸四地青年團體」合辦嘅「夢想啟航行動」奪得2個大獎、夾埋6萬蚊獎金,機構亦不斷參與唔同機構嘅義演,包括香港撒瑪利亞防止自殺會、香港中華基督教青年會、Uknow、基督教懷智服務處、香港青年聯會、中華基督教會基順學校、百職社會服務團、NSA VQ82、匡智會、聾人福利促進會、十大傑出青年選舉、支聯會、家庭及少數族裔事務工作小組、啟勵扶青會、森林樂、藝術人家、路德會等等。

核心成員[編輯]

核心成員包括藝術總監陳華亮先生(藝名:阿鬼)、副藝術總監潘甘儀(Grace Pun)小姐、行政總監鍾在思(Joyce Chung)小姐、藝術幹事鍾宛澄(Canetti Chung)小姐及張沛雯(Nicole Cheung)小姐。

參考[編輯]

出面網頁[編輯]